一個書生既Player故事: 二二一

趁天仲未黑，我同Michelle出返去碼頭邊既酒吧食晚飯，行出去都唔洗十分鐘。

一大Draught比水更平既啤酒，配上新鮮既酸瓜Herring fish，仲要Michelle呢個大美人，真係人生一大樂事。

仲影咗好多女友視角既相，我都忍唔住將自己個樣放上Ig，好難得。

匆匆買咗平既衫同內衣做替換（嘩，真係好難先搵到，仲要準備收舖），就返小屋。

沖埋涼作簡單梳洗，上到二樓參觀，有個煙窗係上面，訓係床度就望上屋頂就可以望到個天。



原來上面得一張大床。

個女人肯定以為我地係情侶啦。

「原來得一張床。咁今晚我訓梳化啦。」我懶君子咁同Michelle講。

我把口咁講，但個心當然知道我無可能一個人訓梳化。

「梳化咁細張，邊夠你腳長。」Michelle好理性咁話：「我唔Mind，一齊訓床啦，張床咁大。」



如果無好感，點會同我單獨去旅行，仲要肯同我兩個人同床訓。

就憑佢呢句，我知今晚食硬佢。

張King Size床大到兩個我訓上去都有餘。

「玩O camp都成班人一齊訓，扮咩鬼呀。」Michelle訓係我格離話。

「兩個人點同呢。我驚半夜俾你偷襲，好危險。」知道即將得米，我都開始囂張。



「咁你落去訓梳化啦。」

「你落去訓啦，做廳長保護我。」

「好無賴呀你，我讓咗半張床俾你仲叫我做廳長！」

我一把訓係床度：「唔理啦，你讓咗俾我，張床就係我有份。」

你個人有我都有份！我心諗。


準備訓果陣，Michelle無啦啦摷袋：「訓教前，一齊食咗呢個先！」

佢拎咗個朱古力Muffin出黎。



「莫非。。」

「無錯！就係Space cake～」

「你做咩隨身攜帶呢啲野。」

「前日隊完草我咪無話Feel要再食，我朝早出買定咗大麻煙同蛋糕，諗住入黎Volendam咁Chill既地方食。」

「你唔驚食完跌咗落海？」

「你地上次先攤係度唔郁。唔驚啦！」

「分一半俾你。」Michelle話。

「啲人話第一次食半個食，過半個鐘無Feel先再食埋另一半。」我制止Michelle，唔俾佢食咁多，陣間Stone咗我屌咩？屌死魚？



「都係，食咗四分一先，過三個字再食四分一。真係無Feel先食埋支煙。」佢將四分一個Muffin放入口。

「睇黎你今日非Stone不可，好有決心。」我都食咗個Muffin，味道同普通朱古力Muffin好接近。只不過，個蛋糕超級乾，乾到好似擺咗幾日咁，唔飲水極難食。

我同Michelle連忙飲水送蛋糕。

房間又靜咗。

食完未消化，當然乜野感覺都無。

「點呀。咁仲訓唔訓教？」我問Michelle。

「間房好似好靜咁。」



我去咗喇叭度，見到有啲CD放咗喺枱面，拎咗隻90's retro party既碟播。

我同Michelle聽住Toni Basil既Mickey，一齊跟住唱歌，仲一齊舉高雙手，好跳舞。

瞬間，房間變成一間pub。