一個書生既Player故事: 二零三

八月。
 
搞Visa、訂機票、登記住宿。
 
我一直都比較低調，到所有野Settle晒，飛前兩個星期我先同朋友講，每日進行車輪式既飯局。
 
佢地都好驚訝，因為我從來無提及過自己想去Exchange。
 
最令我記掛既係江柏琪。我擔心下次佢需要我既時候，我唔係佢身邊。
 


但如果我同江柏琪拍緊拖，應該唔會做呢個決定，痴身既我係離唔開自己女朋友。
 
凡事兩面睇。
 
 
 
「衰仔，我地送你啦。」平時和我說話不多既爸爸話。
 
「嗯。」
 


直到飛果日，父母送到我去機場，將滿滿既行李寄存。
 
同父母分隔咗三年先返黎，而家又到我離開了，不禁感到有些抱歉，一直以來都無盡過做兒子既責任，無帶媽媽食好野、去玩，又成日都唔返屋企，好想流下幾滴男兒淚。
 
我既好朋友都有黎送我機，江柏琪、肥傑、嘉樂、陳詩詩、好耐無見既王家欣、丁丁、阿婷、Parsons、靜宜、Cammi、Eric、阿東。。
 
到果一刻係機場見到咁多人，先有離開既實感。
 
驚覺自己一走就半年。
 


「你去到返黎會唔會變肥仔。」江柏琪到最後一日依然咁嘴賤：「唔緊要啦，平時都柒，肥咗都分別唔大。」
 
「遲下我去歐洲搵你！」肥傑話。
 
「帶返幾件鬼妹黎做手信。」Cammi話。反而Candice無黎，有時SP同朋友，始終有段距離。。
 
 
 同各位寒暄幾句，影下合照，我便踏入離境大堂，開始我人生的另一個旅程。