一個書生既Player故事: 二零二

Exchange既手續繁複，過五關斬六將，又要去Interview，又要寫下9up文講下點解想去，雖然你知道講到尾都係in你果個人鐘唔鐘意你。
 
慶幸既係，除咗拍拖之外，我既人生一直都好順利，想做既野都依照我既劇本去做。
 
Interview之後無耐，我就收到通知話我被派咗去Amsterdam既大學做Exchange。
 
荷蘭係我既第一志願，主要理由係荷蘭人有九成都識講英文、佢有高度自由既文化（黃賭毒既管治相對寬鬆）、全球十大快樂既國家之一、優越既歐遊地理位置（上去英國冰島，下去德國意大利都好快）、治安良好，加上個人喜好既關係，所以咁樣選擇。
 
暑假開始去Exchange既Talk，都有積極上網同係Secret page度招募一齊Exchange既同學仔。
 


我都係志在去旅行，而唔係讀書學英文，都係Prefer搵香港人一齊玩。
 
去荷蘭Exchange既人真係唔多，識到既人通常都係去英國，去意大利仲慘，得一個人。
 
我只係搵到一個科工既男仔同我一樣去荷蘭Exchange，但佢間學校係離Amsterdam半個鐘車程既Rotterdam。
 
個男仔叫Wade，身高大約178，正常樣，係有少少粗曠同MK既類型。你會覺得佢似台灣黑人，鐘意著籃球背心，戴住金鏈果隻麻甩仔。型唔型就見仁見智。
 
見到佢，真係好想同佢打聲招呼：「Yo check it out!!」
 


我拎咗佢既Contact。
 
好野，到時又多一隻腳一齊玩。
 
我仲撞到上次水會見到果個白色Bikini囡囡 Michelle，佢去倫敦Exchange，上次無特登去拎佢電話，今次就拎返啦。
 
我集合晒唔同人電話，開咗個歐洲exchange line group，好讓我地第時去唔同國家旅遊既時候，都有當地既同學帶路。
 
好期待。