一個書生既Player故事: 一九八

完結晒考車筆試、Assignment、Final，就係Summer既開始。
 
我地奶黃包既組員都報咗名去水會百人船P，水會一年一度既大活動，當然要捧下場。
 
自從返完酒吧既工作，我對住陌生人都唔會覺得尷尬陌生，頗適應呢種環境。
 
中午我地係西貢碼頭集合，成班型男索女，青春少艾，即使陣間會落水都仲化恆妝Set晒頭，泳裝係面衫底下若隱若現。
 
 
 


「Hi～好耐無見啦～」我地等緊上船既時候，格離有個著住灰色One piece T恤，正常樣皮膚白韓妝紅唇，成個Red Velvet 既Joy咁，有對白滑長腿既女仔同Cammi打招呼。
 
「最近去咗邊呀，成日都唔見你。」Cammi問。
 
「功課忙呀嘛～」係水會講功課忙，總係欠缺說服力。
 
「肯定去咗拍拖啦！」
 
「分咗手Lu～」得到資訊：此女單身。
 


「Oh my god! Really?」
 
「唔係我點可能出現係度～哈哈～」又一個拍拖同想出去蒲既世紀矛盾。
 
「哈哈哈。咁陣間要落力啲去識下仔仔。」Cammi話。
 
「嗯，今日個場啲人質素唔錯。」個女仔細細聲咁講：「陣間搵你地玩。」
 
「好呀。」講完個女仔就走咗。
 


Cammi同我講，佢係水會既老鬼，叫Wendy，出名公廁可食用，喺Hall聽聞食多過五個，男朋友換畫快過小明。
 
睇佢化個妝，講野有點風騷既語氣，都覺得佢係姣底。
 
 
我地夠鐘就慢慢上船。
 
一架船可以容立大約六十人，有三層，頂層係空地一片乜都無既地方，中層則係大廳，有梳化、大枱，可供客人唱K聯誼，下層則係職員休息既地方同埋廁所。
 
百人船河又真係夠人有突，所以大會租咗兩隻船連埋一齊，我地就可以係中間穿過去，又或者游水過對面！係一個幾新奇既設計。
 
最最最重要，當然係酒啦！中層大廳放咗好大個酒桶，入面有滿滿各種類型既酒。
 
有時我覺得，如果唔識飲酒但又想出黎玩，會係一件非常麻煩既事。
 


雖然都有可樂，我諗飲既人唔多；同埋當人人飲完酒覺得好High，你唔飲酒會好破壞氣氛，同時都感受唔到佢地醉下醉下果種快樂。
 
當然你會話，識朋友唔一定要飲酒姐！
 
但黎得呢D地方，大家都係抱住Party till we die，同志同道合既朋友玩一場瘋狂既心態，唔會去就你一個。
 
係酒吧又見過有人發脾氣坐埋一面唔玩，又見過有人玩玩下喊。
 
但大家都只會Party in the Crying，唔會Crying in the Party。
 
除非你好靚、好有錢、識好多人或者好搞笑，否則唔合群既人，道不同不相為謀，抱住要全世界圍住自己轉既心態，我建議你都係唔好出現了。
 
 
 
D囡囡放底袋，開始換衫，整裝待發落船玩水Game。


 
昅女乃係我地一眾男士（或者係爭妍鬥麗既女士們）最喜歡既環節。
 
「呢個好似食得。」
 
「呢個就唔知。」Parsons同我係度討論。自從上次兄弟團落老蘭之後，我地既話題就愈來愈誠實同低級。
 
望一眼可以將Stereotype咗既女人分類為：食得、唔食得、未知。
 
著Biniki又鐘意發姣既女仔係食得，著Tee恤遮住既女仔係未知，自己無Feel既女仔係唔食得。
 
你既表現已經定義咗你係一個點既人。
 
所以表現自己係Player既人，就唔好埋怨點解成日會遇到壞男人。
 


咁表現自己係乖乖女都俾人呃呢？咁對唔住，係你唔好彩啦。
 
我諗，我而家既表現都係一個Player。
 
但到底自己內心係點？我都唔清楚。
 
同江柏琪分開俾到我放蹤既自由。
 
但我對女仔已經無咗心動既感覺，有機會識人就留意下有咩獵物，傾計、認識、Flirt、搞野，好似公式化既動作。
 
我自問份人好咸濕，日日扑野無問題，但人生唔係淨係得扑野，我都有自己想做既事，有想交往既朋友，唔想咁病態。
 
唔需要刻意，但環境促使我咁做，要食真係太容易，呼之則來，揮之則去。
 
王子華都話：男人有三不，不主動、不抗拒、不負責。



我又唔會避唔食，煮到上黎又啱自己既咪食囉，我係咁諗。