一個書生既Player故事: 一九七

接下來果幾日，我廢時撞到張翠珊尷尬就調咗日子唔返工。
 
根據Mavis既情報，張翠珊跟住幾日都有落黎酒吧搵我。
 
「我呢排返少啲。」我話。
 
「廢J，唔係為咗避個女仔連工都唔敢返呀嘛。」Mavis話。
 
「唔係啦，Sem尾又忙。」
 


其實我都唔係完全因為張翠珊而唔返工，咁快Sem尾又要開始Chur assignment，都返唔到咁多。
 
讀大學最爽既地方係，真正返學既日子好少，唔返Summer sem，其實大部份時間都係放緊假，想點玩都得。
 
咁一個禮拜過去，張翠珊搵我唔到，whatsapp我又唔應機。
 
佢唔知係經我電話定係名，Search到我Facebook，仲Add埋我啲朋友（有熟有唔熟，無搵到江柏琪）黎搵我，搞到人人都知我喺酒吧返工，仲要被𡃁妹媾。
 
呢條痴線女勁煩，搞到我要Block晒佢啲野。
 


好彩我無因一時色心而食咗佢。
 
酒吧識既女仔，唔知佢咩來頭，真係要小心謹慎。
 
先唔講可能有性病乜乜乜，淨係識著個痴線婆都已經好麻煩。
 
如果時光可以倒流，我一定唔會俾我電話號碼佢。
 
所以我先話，有好多關係，都無辦法控制。
 


例如有時我只想單純Make a friend，但人地卻未必咁諗。
 
總係要做你人生中既過客，短暫到只得一兩個月，又或者一兩日，一兩個鐘。