一個書生既Player故事: 一九九

上船除咗衫，同大家打個招呼，我就同Parsons落水玩。
 
船P除咗食野、唱K、打牌，仲可以玩滑梯、香蕉船、Wakeboard、充氣搖搖板、水上陀螺，平時去沙灘唔會玩到，都幾吸引。
 
唔好諗到船P咁淫亂，咁多人係度，除非你係船家落去Private Room，否則都好難扑到野嫁。
 
至多就睇啱人，認識下再發展後話。
 
所以最緊要係專心Enjoy玩水上遊戲既過程。




 
見到兩個著Bikini（白色、螢光粉紅）既樣OK既女仔係度發呆，我同Parsons就上去同佢打招呼，邀請佢同我地一齊玩香蕉船。
 
我地都偏向撩D衣著性感或者靚女。
 
 「Hi，我叫Parsons呀。差兩個人，不如一齊玩香蕉船？」Parsons問粉紅Bikini囡囡。
 
見你正正常常樣，都好少會Say no既。於是我地就一齊玩香蕉船。
 


為咗平衡重量，我地男女男女咁坐。
 
「捉實隻捉兩側條繩啦。」船家話。
 
「準備好未？Ready Go！」
 
架船開得好快，成架香蕉船隨住浪花拋下拋下，仲有D離心力咁，好爽呀！
 
「Wowwww～」我忍唔住一齊叫囂。
 


「捉實啦！佢準備轉彎啦！」我提醒佢地。
 
一轉彎，後面個白色Bikini囡囡跌落水，最仆街既係，佢攬住我，連帶埋我落水。
 
飲咗成啖咸水。
 
著住救生衣，即刻浮返上黎都好安全既。
 
「你死啦，我好小氣！陣間玩Game小心D呀。」我同白色Bikini囡囡講。
 
「Sor呀。哈哈哈。」落水也開心。
 
我地等Parsons同粉紅色Bikini囡囡都落埋水，就上香蕉船玩多Round返上船。
 
 


 
 
「抖陣先。」白色Bikini囡囡一上船就話。
 
佢D頭髮俾海水浸濕晒，陽光既笑容都幾性感。睇真D，仲有D鄺潔楹Feel，都幾Gfable。
 
「哈哈，咁快就攰啦？」我問。
 
「太刺激。」
 
「好廢呀你。飲啖可樂啦。」我拎咗罐可樂，同佢講。
 
「多謝。」
 
「我叫書生。你叫咩名呀？」我問白色Bikini囡囡。頭先淨係我同Parsons自介，都無問佢地。


 
「我叫Michelle。」佢答我。
 
「你呢？」我問粉紅色Bikini囡囡，佢係細細粒短髮成個日本妹既女仔。
 
我同Parsons好夾，品味剛好係格離，永遠都唔會Mark住同一個女仔。
 
「我叫Carina。」
 
「O Camp都唔覺見到你既。」Parsons話。
 
「咁多人，認唔到都唔出奇。我係Red house嫁。」
 
「靚女我見一次就記得嫁啦。我同書生都係Yellow。」
 


「書生、Parsons！差兩條友！過黎一齊玩搖搖板！」Cammi大叫。
 
「好呀！」我同Michelle、Carina講：「再傾。」
 
「拜拜。」Parsons同佢地揮手。
 
於是我地就當去搵Cammi佢地玩。
 
個搖搖板都好On9，八條友（超載？）係度搖下搖下咁跌落水。
 
我好狗咁一野推咗Cammi落水。
 
佢即刻講晒粗口問候我。
 
哈哈。