一個書生既Player故事: 一九二

望住江柏琪訓係我格離，話對佢完全無色心係假。
 
有時我會諗，佢咁樣做係咪俾緊機會我去馬？定只係佢單純信得過我？定係佢咁無危機意識呢？到底佢當我係咩？
 
我諗呢一刻無人會答到我。
 
比起同佢發生關係，我更加享受同佢一齊既時光。
 
我諗，除非江柏琪正式成為我女朋友，否則我唔會同佢搞野。
 


如果我同佢做咗SP，呢段咁美好既關係就會破滅。
 
 
不太緊張，好快我就進入熟睡狀態。
 
我同江柏琪一齊享受房間既安寧。
 
 
「。。。」
 


 
早上八點我被郁黎郁去既江柏琪嘈醒。
 
佢睜開眼晴，睡眼惺忪既樣子，我忍唔住講咗句：「好醜樣。」
 
佢：「嗯？」
 
眼訓到唔識應我。
 
「點解你要飲醉，唔驚我好似組爸咁食咗你咩？」我問佢。


 
「信得過你。」江柏琪攬住枕頭，沒有望我一眼回答。
 
「多謝。」多謝你信我。
 
咁又係，要食既話，同居一早就食咗啦。唔洗等而家。
 
聽到佢咁講，我好滿足。
 
 
我地再訓到十點半。
 
我叫醒江柏琪Check out。
 
「好眼訓。。又頭痛。。原來飲醉酒係咁辛苦。。」


 
「醉酒佬黎講，你算好湊。」
 
佢見到我裸上身但佢著住衫無咩反應。
 
江柏琪去廁所刷牙洗臉。
 
「丫頂，個妝溶晒。。」佢又無帶其他野出黎。
 
搵水又抹唔到幾多。
 
結果我就送咗呢個痴線婆返Hall。
 
我：【On9 jai】我Send咗琴晚佢啲柒相同片俾佢。
琪：【wtf.. I swear i won't get drunk anymore】


我：【I hope you learned your lesson】
琪：【For what?】
我：【Whatever 】