一個書生既Player故事: 一九一

琪：【High table..著邊件衫好呀？】

江柏琪Send咗幾張自拍俾我揀。

一件係黑色吊帶性感大露背、一件係乖巧白色Low cut。

難得既軍糧，可以拎黎丁。

好想將江柏琪既自拍轉做手機Wallpaper，我認我係痴漢林書生。



我：【白色】

唔想江江柏琪俾其他男仔視姦，就當是我的一點專制。

江柏琪竟然聽我話買咗白色，仲send咗張收據俾我。

我：【做咩呀？Claim錢？我唔會贊助你嫁喎】
琪：【至多著俾你睇hehe】
我：【色誘我？我唔受你呢套嫁】
琪：【好啦。搵日食飯呀】


我：【你幾時High table？】
琪：【陣間】
我：【完咗high table黎搵你】
琪：【好呀】

本來我陣間要返工，不過我偷偷地調咗佢，只為見你一面。

差唔多時候我去咗江柏琪Hall果邊等佢。

江柏琪今日難得化咗個淡妝，一如既往既風格，只有簡單畫下眉、少少眼線、白色閃閃既臥蠶、自然既三文魚粉紅色既唇彩。



只作簡單修飾卻不會有庸脂俗粉既感覺，佢既五官係幾咁細緻分明，令人不由自由盯著欣賞。

白色Low cut剛好既晚裝裙，大捲既曲髮，清新既蘋果花香，有露肉但正氣到一點淫盪既感覺都無，江柏琪身上每一部份都好似隨住我既喜好而設計，我最鐘意就係江柏琪既仙氣。

江柏琪向我笑著揮手。我地去咗Hall附近既一個公園仔坐底。

她看起來好快樂。

「掛住我麼？」江柏琪問。

「無喎，好似係你掛住我約我。」我否認。

「你都唔搵下我～」



「你開心返咪唔洗搵你咁多。」

「我知你唔係咁諗既。」江柏琪望住我。呃你唔到嫁啦。

時間就像乳溝，擠一擠還是會有的。

「呢排返酒吧好忙，考車又要溫書。」

「我都好忙，不過忙住玩，同埋返份文員仔Data entry。你返工有咩趣聞？間吧多唔多靚女？」江柏琪問我。

「啤酒妹唔靚。間唔中有啲客幾靚。」

「咁你有無撩佢地傾計？」

「囡就無撩，通常都帶埋疑似男友一齊。識咗兩個City既同學。」



我將我整既Rainbow shooter既相俾江柏琪睇：「我試整完送咗俾佢地，咁就識咗做咗熟客，佢地仲帶好多朋友黎。」

「好似幾好玩。不如我叫啲Frd落黎玩呀。」

「女仔之家唔好成日去呢啲地方啦，好多人食煙，唔好呀。」

「車，咁你又喺度返工。」

「我係男仔點同。」

「你講晒啦。」

「係嫁。」



「我而家飲到Cocktail嫁。」

「飲Shot呢？」

「唔敢飲。」

「你應該要係我監管下試下。起碼醉一次，以後知自己飲幾多要停。」

「就而家！」

「下？」我問。我總係俾佢既行動力嚇親。

「坐到凍凍地。我地而家去買一支大酒飲下暖下身。」

「Um... 你真係想我都可以既。」估唔到放假都仲要飲酒。



江柏琪著住高跟鞋行路不自然地拐下拐下。

我手板向上，伸出禮儀手俾佢扶住我行。

係超市收檔前我揀咗Chocolate Baileys，度數低啲又易入口啲，喺7-11拎咗啲冰同紙杯；買多咗奶俾佢溝；又買咗支水，驚佢飲唔慣要飲水，就返公園。

「呢隻咩酒黎！超級好飲！好似飲朱古力味咁！」

「飲唔似到？洗唔洗溝奶淡啲？」

「唔洗啦，就咁飲。」江柏琪好放心咁倒咗成杯Baileys，彷彿真係飲緊朱古力咁。

「酒黎嫁。你倒咁多當水飲。」

「好飲呀嘛。」

「醉咗咁點湊你。」

「你得既，掟我上Hall咪得～乜今晚主題唔係要俾我飲醉酒咩？」

「係。。不過無端端飲到醉就好On9。。」

我諗住係咁兒飲下過下酒癮，點知江柏琪大啖大啖咁飲。

「琴晚我Roomate話見到有白色鬼影飄過，搞到成晚唔敢訓，好好笑～」江柏琪話。

「叫咗你唔好夜晚敷Mask。係咪呢嚇親人啦。」

「好想聽歌。。聽咩歌好。。」江柏琪禁電話，啲動作愈來愈緩慢

「頭好重。。好眼訓。。」

唔洗半個鐘，江柏琪就自隊收咗皮。佢訓底咗係張凳度。

「喂。」我搵手指篤佢，輕輕推佢都無反應。喊出黎。

我就一定唔會送醉咗既江柏琪返Hall，但係我屋企又已經唔上得黎。

我唔會係度俾佢吹風成晚。

咁只有一個方法。

我打電話去紅磡附近既酒店，終於俾我Book到間酒店，四星級但閒日都幾平。

我揹住江柏琪：「咁鬼重！要減肥啦你！」

我帶住江柏琪去Check in。

仲要俾職員問咗好耐，驚江柏琪未成年，驚我食咗佢。

一入到酒店，我即刻放將江柏琪掉上床。

呼，放下巨石。

我睇怕江柏琪都沖唔到涼。

咁我自己沖個靚涼無衫換，就咁著咗底褲出黎，裸住上身就訓係江柏琪格離。

佢個On9樣好似俾人落完藥咁，咩反應都無。

我忍唔住拎起部電話，影底佢訓教既相。

再一路用手輕輕拍打佢塊面，好挑釁咁拍片：「江柏琪好柒呀！飲Baileys都冧。影底你個樣聽日俾我笑死！」

依然無反應。

好啦，咁我夠皮啦，聽朝見啦。

早抖。

今晚係一個充滿私心既晚上。