一個書生既Player故事: 一九零

自從我上次送咗Shooter俾Ken同Kimmy，佢兩個就變咗Hawaii既常客。

每隔一兩個禮拜，就會見到佢地帶唔同既朋友過黎玩。

「其實點解你唔落Billy玩，反而成日落黎尖沙咀玩？」終於有一次，我忍唔住問阿Ken。

「我無住Hall，唔一定要落Billy，同埋呢邊多野玩嘛。」阿Ken問我。

今日阿Ken帶咗全男班既朋友出現。



全男班玩得盡興啲，講野又唔洗就住就住。

我好鐘意係啲客人玩得好開心既時候擾擾攘攘換Nuts，八掛下啲客人講緊咩野。

我見到Ken班朋友圍爐拎住部電話傳閱，唔洗審一定係昅女啦。



「呢條女正呀，長腿波大好服務，我幾難先偷拍到。四川妹，同我地差唔多年紀，五舊水1Q。對波都夾到細佬差啲射。」Ken其中一個甩皮甩骨既朋友話。



「巴打，我上次都搵過佢，係唔錯。」

「媾女真係好煩，條女一陣又話係處唔扑得；到扑咗又要慢慢教，左哄又哄，技術又唔好。俾幾百蚊做大爺，想點玩都得，仲可以食到啲你一世都無可能媾到既質素。」阿Ken話。

「你條女咁既樣，哄下都抵啦。唔要介紹俾我唔好晒。」


原來阿Ken有女朋友，但無upload合照上IG，唔通Kimmy係佢女朋友？

我望到佢閃爍既電話Wallpaper，係一張合照，原來唔係Kimmy。



以麻甩Ken咁既質素，媾到咁既女仔，夠賺有突啦，仲嫌三嫌四。

個女仔皮膚好白，五官細緻，成個IU咁，無化妝，感覺好Pure，一睇就知係老婆型乖乖女。

可憐係張相笑得咁甜蜜既佢，唔知道自己男朋友叫雞不特止，仲要係背後係咁樣講自己。

到佢知道真相果日，一定會崩潰。

我替佢祈禱，希望佢地早日分手，唔好浪費呢個女仔既青春。



「有無新手推薦？咩質素先。」我忍唔住加把口去問阿Ken。



我對Call g真係無乜性趣，一來曬錢，二黎我唔洗點媾，都成日食到啲好高質素既女仔，純粹八掛下。

「你又有興趣？」阿Ken彷如遇到知音人。

「俄妹夠狂野，貴少少但都唔洗一千蚊。」有個偎鎖既肥仔俾相我睇。

的確係Model級。

望到肥仔既身型，我諗佢都係A0叫雞破青。

唔知人地會唔會封利是俾佢呢？哈哈。

我明白叫雞對某啲人既吸引之處。

因為係日常生活中得唔到滿足感，可能係性，可能係男人既自尊心，所以先會係呢啲地方彌補。



青樓女子都幾敬業，唔揀客去做。


「你地有無人搵過PTGF？」我問。咁叫雞同搵PTGF有咩分別呢？

我都唔記得點解喺PTGF未盛行既時候已經聽過呢樣野。

「佢囉。沉晒船。」佢地指住一個斯文細粒既男仔。

「又貴又揀客，服務態度又差。都On9既。」

「你唔明嫁啦。佢俾到我初戀既感覺。同我個ex勁似樣。」

「俾人撚狗咁撚。特登狂打工塊供養隻雞。仲自以爲可以做救世主包養佢，拯救佢脫苦海。」



「叫雞未沉過船。唔好話自己叫過雞！」一臉正氣凜然既樣子。

「老細詐型。唔講住。」我見老細望住我。

「加埋你入Group啦。Welcome to the AIDS world！哈哈。講笑。」Ken話。好撚Funny阿。

我心諗，我唔叫雞，你唔好加埋我入Group啦，俾識既人見到就好麻煩。

但入到Group你基本上唔會知係叫雞Group。

Group名叫：英超台

佢地約出黎玩、寫食評都會用晒暗號。



又會好合群偽造去玩既紀錄（聽晚去食野踢波），方便拍緊拖既人有證據交差。

邪惡。