一個書生既Player故事: 一五二

「不如Dem返個訓教Beat先訓啦。」組媽Cammi話。
 
「下。。唔好啦。。我好眼訓。。（呵欠）」我打咗個大呵欠。「早抖啦。」
 
組爸媽將床舖放晒地，我地成班Fm訓晒係地下度。

攰到電話都唔得閒睇。

同D組員玩到五點先訓，訓咗唔夠兩個鐘又要起身係Camp site同沙灘做下Task暴曬，真係身體差D都頂唔住。



係我地房度訓既靜宜諗住走，但俾我地強力既挽留底下，最終都係無走到。

「靜宜，你口唔口渴呀？飲罐可樂？」毒男John問靜宜。

「靜宜，好曬呀。你企去樹蔭度抖下啦。」組爸阿東同佢講。

Yellow上下每一個人對佢都照顧有加，總算無風無浪咁過埋呢一日。


到夜晚玩Camp fire，大家對住個營火跳舞，Changing partner可以拖到唔同高質素既女仔而唔係美極。



「望下你地身邊果個人，可能佢係未來大學生涯入面，會係你最重要既人！咁多位Fm唔好怕醜，同佢講聲你好，再抄返個靚牌啦！」

「最後今晚　陪你去踩鋼纜
最後今晚　隨便你怎去辦
最後一杯　你以後告別孤單
怕我們以後冤眼　日後為人父你怎玩」

組爸媽同莊員都好激動，攬住一路唱歌，一路喊。



我理解唔到點解佢地要喊得咁激動，可能搞Camp真係好辛苦。


換到自己都唔知拖過咩人，唔知自己係度做緊乜。

係營火既光反射底下，大家都好靚，但依刻我只係想江柏琪係我身邊分享呢一刻既快樂。

身邊人很多，笑聲充斥整個環境，內心卻是寂寞的。



同居咁耐以黎，都係第一次超過一日無見，好唔習慣。

完咗營火，大會要我地將願望寫係氣球天燈度許願。



我希望江柏琪可以做我女朋友，我地從此快快樂樂咁生活。

「心想事成！過三爆四！」我寫下不誠實的願望，待氣球升起許願。

敢許願，上天就會給機會你實現，不是嗎？

我需要更多的付出與耐性。