一個書生既Player故事: 一五三

再經過一晚房Game，就執野出Camp返去做Sharing。

我地大家係個課室圍圈坐底。

「經過三日既O Camp，你地有咩感受可以同大家分享下？」組媽Cammi問。

「不如我講先啦，驚你地靜咗。呢三日以黎辛苦晒你地，係咪好攰呀？我係第一次做組媽，由Interview到Pre-camp，整Souven，練野，通頂，做既一切一切比我想像中多，唔係你地單單睇到幾日咁簡單。」Cammi愈講愈激動：「如果有野做得唔好，希望你地唔好介意。我同Eric、阿東真係好努力想俾到回憶你地。」

食女樣Eric話：「唔好睇Cammi份人低低能能咁，佢真係好努力。O Camp唔係上網講到咁差，好似我同Cammi咁，係Fm既時候玩水會O Camp識，到而家乜都拍住上係Best Frd黎。我希望大家以後都會多D出黎Re-u同參加活動，去維繫呢段友誼。」



Warm type既阿東：「雖然我口才唔好，唔係講好多野，但都希望你地玩得開心！第日有咩問題都可以搵我幫手。我無乜野補充啦。」

「多謝組爸媽。你地真係好錫我地，呢三日入面，你地連袋都唔俾我地拎，一個組爸媽袋住三四枝水，藥，有凳一定讓俾我地坐，幫我地撥，自己食唔飽都要俾我地食先，自己父母都唔會咁好服侍。。」靜宜有感而發，係呢個煽情既氣氛底下，彷彿已經完全忘記咗第一晚所受既屈辱。

而我無乜感想，好Hea咁講咗幾句：「多謝咁多位既照顧！由其是係Cammi組媽，佢真係好好，我無黃色衫就提早帶我去又一城度買衫，平時我地唔俾反應又唔怕樣衰自己搞Gag，我都知你好辛苦嫁啦！」

Sharing完咗仲唔俾人走，走去食糖水食到深夜先返到屋企。。。

係食飯果陣大家Upload相，俾Cammi組媽迫我開咗個Ig仲影咗我個大頭柒樣Po上去，



「好煩呀你！」



凌晨十二點返到屋企我已經攰到頂唔順。

江柏琪仲未返到屋企，好似好好玩咁。。

頂唔順，沖個涼就昏迷了。。