一個書生既Player故事: 一五零

到我沖完涼出黎，佢地已經轉玩更刺激既房Game。

我地分咗三班人，分別同唔同House既人對打挑機。

首先係一個好似話八大院校都會玩既傳統房Game「火ＸＸ」。

咁佢既玩法就係枕頭大戰既加強版，通常係會揀男仔係底做動物，女仔就騎住係上面，打到對面條友墜馬。

罰則係輸一次，組爸要除一件衫。



今次到我做馬，有點份量既Bobo一野坐上我背脊度，我D骨好似就黎斷咁。。

對面係格離Red House一個紅色頭髮既組女，佢件衫好鬆，玩果陣走晒光。

而係下面既我對正佢個胸，入面個深藍色Bra，凳下凳下咁，食正靚位既我飽覽無遺。。。

非禮勿視非禮勿視呀。

無人覺得咁樣好尷尬（除咗我？），係一旁既組爸媽都非常興奮，愈走光愈如狼似虎咁起哄。



「大力Ｄ！打爆佢趺落街！」「加油！加油！」「一野轟落去！！」

大學生呀大學生。。。

最後有份量既Bobo將紅色組女打落街嬴咗。

對面House玩咩Game就輸咩Game都幾無癮。


「喂唔得喎，你地輸咁多場！要俾D懲罰組仔女！」我地組爸Eric提議。



Red house三個組爸都除剩條孖煙通。

「你想點呀咁！」對面Red house疑似組媽叫囂。

「輸一次奶拖鞋底！輸兩次玩快樂漩渦！輸咗搵廁所水洗頭！罰完就轉Game！」嘩，好狼死，呢D叫咩，得饒人處不饒人？

「。。」Red house組媽見個勢頭咁差都唔想應承。

「唔係唔敢呀嘛？返去自己House玩啦咁。」組爸Eric串佢地。有時我分唔清我地係咪去咗拍古惑仔？

「玩囉！今次到我地揀人！」Red house組媽話：「Angus就你啦！」

Angus個樣係佢House入面比較醒目既。



「你啦！大家挑九九乘數表！輸咗基本懲罰摑大家一巴。」佢揀咗善良反應慢既靜宜，今次大獲了。

「。。」咁佢都無理由Say No啦。

「開始啦！」

佢地兩個對坐，全場都好緊張，氣氛升到最高點。

「九九乘數表呀，問你曉唔曉呀。」

Angus：「九八」

靜宜：「六十二！」

「哦！！！！！你錯咗！！！！」全場都轟動指住靜宜。



佢仆街了。佢仆街了。

「奶鞋底！奶鞋底！奶鞋底！」全場都起哄。

「頭先牙斬斬，唔係走數呀嘛？」Red house組媽講。

靜宜臉都青晒，唔知俾咩反應。

「我幫佢找啦。」組爸Eric都算有義氣，肯出頭無叫靜宜找數。

「唔得，話咗要組仔女找嫁嘛。」

「你係咁而奶一啖啦。」Eric唯有同靜宜講，車，原來都係得個樣。



Red house組媽拎咗Angus對人字拖去靜宜塊臉度。

靜宜好唔情願咁奶咗0.1秒，我見佢個樣已經想喊咁。

「找數咪好囉！三盤兩勝，玩埋呢場佢啦。」Fm們都開始有D Hard feeling唔想玩，Red house組媽真係好唔理人感受，仲要Jer住個Fm。

靜宜深呼吸一口氣：「繼續。」

講真，俾我實唔玩走數。。。

「靜宜，今次認真D！」Cammi捏一把汗。

「九九乘數表呀，問你曉唔曉呀。」

「六七。」「四十二。」



「五九。」「四十五。」

「七八。」「五十六。」

「六九。」「六十四。」

「又錯啦！！！」

Wtf靜宜又錯咗。。點解你D數學可以咁差？

你咁樣，真係神仙都幫你唔到。

「快樂漩渦！快樂漩渦！快樂漩渦！」

「算啦人地女仔就。」Cammi幫口。

「咁你地搵人頂囉。」

但係呢個惡劣既環境下，係無人敢出聲奶屎上身。

間房既氣氛真係尷尬到一個地步。

但更唔知醜既係Red House組媽拖住靜宜入去廁所。

塞佢個頭入去廁所度，一野就沖廁。

靜宜掩住塊臉。

頭髮都被廁所水澈濕。

我覺得呢個程度唔係遊戲，已經完全係Bullying，非常Hard Feeling。

我地三個House咁多人睇住佢死都無幫手。

無錯，我地無加把口害到佢咁。但我地都無真正伸出援手去阻止呢件事發生。

每一個懦弱既我地都係暴力既幫兇。

全場都望住靜宜點樣俾人蝦，佢臉如死灰。

其他House既人見到咁都玩唔落，速速就離開咗間房。



靜宜好唔開心，自己走咗出房。

Cammi組媽都知大獲，佢拎咗盒濕紙巾出黎，話：「書生你同靜宜Frd D，跟我出去陪佢。阿東去搵莊員傾，Eric就留底睇住D Fm。」

咁我就跟咗出去搵靜宜。