一個書生既Player故事: 一四九

琪：【攰死啦，岩岩先返房】

夜晚十一點，江柏琪終於覆我啦。

係等待大家輪流沖涼既時間，終於有時間休息下禁下電話。

「不如我地Round下Status。」組爸Eric提議。

「英文加數字，意思係自己Available定Occupied，同埋拍過幾多次拖。例如A2，咁即係單身同埋拍過兩次拖。」呢啲咪典型既狗公收風環節？其實我拍過幾多次拖又關你乜事呢？



「就咁講唔好玩！不如我地First Impression投票估下邊個拍得最多次拖，同邊個係A0無拍過拖！」Cammi提議。

「Set多幾條問題一次過啦！」組爸阿冬話。

「邊個最似有SP！」好少同佢有交流既正常樣肉地Bobo提議。淫賤呀。

「哎。識玩呀Bobo！」組爸Eric對一語驚人既Bobo另眼相看。

「乜野叫SP？。。」我聽到靜宜細細聲問Bobo。連SP都唔知係乜，一睇就知靜宜係一個A0毒撚乖乖女。



「即係Sex Partner咁解。」

「邊個最似雞蟲？」Parsons提議。

「好咸濕呀你地，可唔可以俾啲有內涵少少既問題？」我話。

「你講囉咁！」

「最想同邊個拍拖。」咪話我唔幫你啦Eric，咁先係可以收集下啲有用數據嫁嘛。



「車，以為你啲問題幾咁有內涵。」

就係咁我地男女人數平均地分咗兩邊投票。

拍拖次數多、少，有SP，雞蟲，想同佢拍拖。。

投票結果係好平均，基本上每個月都會有幾票，係反映唔到邊個既特質。

「第一條問題，邊個最似拍得最多次拖。1號、2號、5號都各有3票。書生，不如你講下啦。」Cammi組媽問我。咁想知我咩Status，唔通你對我有興趣？

「A0。」我答佢。其實係我覺得無需要俾人知我咁多野！

「講笑咋你！邊有可能A0！」Cammi唔敢相信。

「真嫁～我毒撚黎嫁咋。」



「死偽毒。」Parsons話。

「咁你講啦你幾多！」

「A1。我份人就好誠實既。」Parsons話。呢個年代拍一次叫正正常常。

「A3。」組爸Eric話。

「A1。」正正常常無乜特別既組爸阿東話。

大家都係普遍係1至3呢個Range，Cammi就A3，乖女靜宜就真係A0，我有少少覺得佢黎錯O Camp。

玩完一輪既結果係，有三份一人覺得我拍拖次數最多，無人投我拍拖次數最少，有一個人投我有SP（組爸Eric係得到最多票數），無人投我似雞蟲（全部人投晒最肥矮毒既John），有兩個人投票話想同我拍拖。



雖然不能完住作準，但從結果黎睇，我形象都呃到人。