一個書生既Player故事: 一三九

早點八點鐘上網放榜，我地七半就起身等待。

琴晚攬住訓教到第二朝就好似飲完孟婆湯咁咩事都無。

我同江柏琪都係擅於「扮善忘」既人。

搞笑係我地唔會因此而變得尷尬。

可能真係日對夜對太熟悉。



江柏琪偏好醫科，覺得出路好之餘又可以用自己既力量去幫人，1 st Choice係HKU既Medic，都係用一試無彷既心態去放呢個Choice，而佢覺得大機會入既科係Poly既RD，3rd choice係Poly既Nusring。其實以佢既成績頭三個都好穩陣入到。

只對商科有興趣既我放咗HKU既E&F落1st Choice，2nd Choice係City既E&F做後備，3rd就係Poly既Acc。我無擺UST同CU，因為啲人話呢兩間大學既人比較乖同純情。讀書咁辛苦，我想去一間MK好玩少少既大學玩爆呢幾年。唔係為咗食女，但希望唔好係Engine科少林寺咁，我知自己會頂唔順的。

咁既擺位，我同江柏琪可唔可以入同一間大學都係未知之數。

不過我已經唔驚「分開」。

其實我地咁多年都無同班過，一樣相處得好地地。



呢三間U地點都咁近，要搵大家都係好相易既事，係咪？

放榜時間愈近，我地都好緊張，Log in部電腦去睇到底自己會入邊間大學呢？！



雖然都知自己既成績都唔係穩陣入到HKU，不過第一下見到自己入咗City既E&F都有啲無癮，「下？入咗啦？咁就入咗大學嫁啦？」

望住個結果真係無乜實感。



讀咗咁多年書就係為咗呢幾隻字。


江柏琪則入咗Poly既RD，前途已經睇到一片光明。

九龍塘同紅磡，兩個地鐵站既距離，都幾近呀！

立即交留位費同埋去大學報到注冊。