一個書生既Player故事: 一三八

放榜前一晚，輾轉反側，邊度會訓得著呀。
 
 
凌晨三點，係Group度同大家傾計，原來大家都失眠係度等倒數。
 
我：【屌，訓唔著】
樂：【me2me2me2】
詩：【點算好阿TT】
傑：【等我做返20 set sit up try try先】
 


江柏琪Read咗Msg，原來佢都未訓。
 
正當我諗住起身去佢房搵佢傾計，就見到江柏琪入咗黎。
 
「搵我做咩呀？」我攤係床度問。其實，佢好少係夜晚訓教既時候入黎。
 
「同你一樣訓唔著囉。搵你吹水。」
 
「哦，過黎坐。」江柏琪坐係我床邊望我。



 
月光灑在江柏琪的臉上，就如天使一樣神聖、純潔。
 
我就喜歡這樣的一片寧靜。
 
而這種氣氛總是煽情，叫人想更進一步。
 
每天見面的人對我而言仍不失吸引力。
 
不止不失吸引力，不停拒絕我的那份知性和自信比起其他女生更攝人。



 
「驚唔驚呀？」我問江柏琪。
 
「唔驚就唔會訓唔著啦。」
 
「都岩。」
 
我用好Charm好甜既眼神望住江柏琪，伸出手拖住佢隻手。
 
感覺佢有點竊喜又害羞。
 
「我都驚，你陪我啦。」




認識咗咁耐，即使最後唔會一齊，你總不會連咁樣都要拒絕我吧。

其實自從第一次拖佢手之後，都大膽咗少少。

就好似之前搵SP咁，即使唔係男女朋友關係，係某D「特別情況」你仍然係可以同個女仔有身體接觸。

然後大家又扮無事發生過。

其實江柏琪都唔太抗拒我掂佢，否則佢小咗我好耐啦。

只係等機會到。



我拉佢落黎，訓住對望，我主動攬住佢。


 
我望住江柏琪，雙唇之間既距離就只有果一點點。
 
我忍唔住，係認識咗咁耐以黎，終於錫咗佢第一啖。
 
實在太幸福。
 
我們不是名正言順的戀人關係，可是每一次的微小身體接觸，感覺比戀人更親密。

什麼也不是，就是這麼奇怪的一段關係。
 
我不想讓氣氛下降。
 
所以沒有再次表白，將「想你做我女朋友」說出口。
 


 
只要有你在，內心是多麼的平靜滿足。

我倆都沒有說話。
 
就這樣靜靜相擁，享受著擁相的安全感，很快便忍不住入睡了。