一個書生既Player故事: 一三一

整個晚上都係一堆好無營養既對話。

但呢D無營養既對話，又真係可以影響到江柏琪對我既觀感。

我咁講係因為果晚，送走咗丁丁同阿婷之後，我陪佢執野洗碗，佢問我：「林書生，你係咪真係成日食女嫁？」

「點解咁問？」

「個個都咁講。班上面唔識你既人咁講、你d frd嘉樂肥傑又咁講，岩岩你兩個朋友又係咁講。空穴來風，事必有因，一個人講係吹水，咁三個以上應該唔係假掛？」



「你都識講你班上面D人係唔識我。我D frd講下笑姐，我平時都咁笑返佢地嫁啦。」

除咗死撐，仲可以點喎，唔通同佢講你岩岩見到既丁丁同阿婷都係我SP咩。

以前D風流債係要還嫁。

早知就唔好食D咁熟嫁啦。。好似之前食完Aka咪乾手淨腳無人知無威脅囉。

「就算日日一齊住，你都仲係好多野呃住我咁。。呢種無辦法坦誠相對既感覺好差。」



其實除咗SP，我真係無野呃你，乜都講晒俾你聽。

「咁Care我有無食過女做乜？唔通你暗戀我？」

「我無Care喎。我只係覺得日日同咁既人一齊好噁心姐。」點解我覺得佢係呷醋呢？

「你之前係咪無拍過拖？」

「。。係無呀，咁點呀。。」



「呢D野，對住你好鐘意既人，情到濃時好自然就會做嫁啦。」洗腦工程開始了。

「可能我真係唔明。」

「我理解既。你第時拍咗拖就會明。不過咁耐以黎，你無人追咩？」我真係唔信江柏琪咁靚女都無人追未拍過拖。

「舊校有既。。只係我覺得D人追我，純粹睇外表，根本一D都唔瞭解我，所以我都拒絕咗。。」

女仔生得靚真係無敵，性格幾怪幾系點都會有人追。

佢咁講，即係我瞭解佢既話，佢就未必會拒絕？

「拍拖對你黎講係D咩？」我提出一個非常哲學既問題。

「應該係兩個互相鐘意既人，開開心心咁生活。」



江柏琪補充：「其實我好少諗拍拖既野。比起拍拖，我會諗同屋企人鬧少一日架，我會仲開心。我對一個屋企既需求大過拍拖。」

「咁拍拖對於你又係乜呢？」江柏琪咁反問我。

雖然條問題係我問，我自己都無諗過呢個問題。

「拍拖應該係世界得返對方，專一係好重要。」呢個係中四既林書生既答案。

拍拖同SP係唔同既。

拍拖唔係淨係搞野既用途，而係追求更高層次既精神滿足感。

好悲哀，而家既社會，拍拖要求專一都要特登State出黎。



專一已經唔係一個Must，而係一個Option。

對拍拖既諗法，唔知道過多幾年我仲係咪咁諗。

「如果你男朋友有野呃你係為咗你好，你會寧願知道定係寧願佢呃你？」

「我會寧願知道咗唔開心都想佢同我坦白。」乜真係咩。如果知道咗我之前既事佢應該果斷唔考慮我。

「你應該試下真係拍一次拖。想像同真實拍拖係唔同。」我同佢講。

「咁易咩！」

「你要求唔好咁高咪得。」

「你去超市買隻橙都要睇下靚唔靚啦。更何況揀一個同你一齊可能一世既男朋友！我係唔會降低自己要求嫁喎。」



「你岩。」

呢一晚至少了解江柏琪多咗。

拍拖之前多D Deep talk講下價值觀，好似更有助我瞭解對方係咪適合自己。

江柏琪仍然係考慮我既範圍當中，只係佢仲揀緊心意未定姐。

佢想要兩個人坦白、想被理解、想要一個家。

我又俾到幾多野佢呢？