一個書生既Player故事: 一一五
我終於學好左星晴(同埋基礎樂理),練習到可以自彈自唱既地步。
早一星期,我已經買左星星燈、玻璃紙、氫氣球、迷你聖誕樹、即影即有仲有浪漫氣息既玫瑰香氛、仲有結他(埋單都唔洗二千蚊!平過個Agnes b啦!),重現電影入面學生哥哄女仔既情景,一切都準備就緒。
不是想表白或者想同佢做SP,我單純地想俾一個難忘既聖誕節俾毒毒既江柏琪為我諗平時都無乜人會哄佢開心。
等到平安夜前果一晚,我去左音樂室佈置裝飾。
江柏琪十點準時係廢校既籃球場出現等我,今日佢同我一樣都著咗灰色衛衣。
「喂!你做乜同我撞Dresscode!」我話:「我都唔明點解平安夜你都要留係廢校,出去玩下唔好咩?」
「大時大節,去邊都俾人閃死啦,啲野又貴。留係度咪得囉!我書都有帶埋黎溫!考試實Sure Win!」
「好啦,既然你都講到咁我地就留係度啦。」我真係唔信佢今日會溫書囉,肯定同我一齊Hea左佢。
我望住佢手,問:「點解你揸住袋KFC既?你正話無食晚飯咩?」
「食左呀。我係諗,聖誕節好似要食火雞大餐,不過買隻火雞要幾舊水,不如買KFC以雞代火雞慶祝都一樣姐。。」
「嗚呀,我前世做左啲咩好事,今世先可以係平安夜食到江柏琪請既KFC!」
「係度食吹風好似有D凍,上去搵個班房坐低食?」江柏琪提議。
「好呀。」我求之不得啦!
江柏琪行左上一樓樓梯,基本上佢要入班房,一定會經過音樂室。
「不如去音樂室玩陣先食野?我唔係好肚餓。」經過音樂室既時候,我特登同江柏琪講。
「都得。」
江柏琪推開音樂室既門。
「咦?」正當江柏琪驚訝緊點解間房好似多左咁多野既時候,我已經極速走左去開燈制。
開左星星燈後成間房都閃下閃下,暖色調既玻璃紙令到整間音樂室都好Warm、好靚,仲有聖誕樹,整個人都放鬆啦,好想留係呢度,如果有張床或者梳化可是攤係度就Perfect池啦。
「嘩。。好靚呀。。點解會咁既?你整嫁?」江柏琪望住間房,開心到笑到見牙唔見眼。
「唔知喎!點解會咁既?」我扮晒野咁話:「咦,乜呢度有個結他既?咪係江柏琪話好想買既結他?仲刻左KPK個名係底!係咪你漏底左係度?」
「你送俾我嫁?」江柏琪好驚訝。
「都話係度執嫁囉!我邊有送野俾你姐!」我拎起結他,坐咗係聖誕樹隔離最食光既位置。
「彈咩歌好呢?」我係度調音,一掃結他,將我畢生既音樂措藝都釋放出黎,有請林杰倫既星晴!!
乘著風 遊盪在藍天邊 一片雲掉落在我面前
捏成你的形狀 隨風跟著我 一口一口吃掉憂愁載著你 彷彿載著陽光 不管到哪裡都是晴天
蝴蝶自在飛 花也佈滿天 一朵一朵因你而香試圖讓夕陽飛翔 帶領你我環繞大自然
迎著風 開始共度每一天
手牽手 一步兩步三步四步 望著天
看星星 一顆兩顆三顆四顆 連成線
背對背默默許下心願
看遠方的星是否聽得見
手牽手 一步兩步三步四步 望著天
看星星 一顆兩顆三顆四顆 連成線
背對背默默許下心願
看遠方的星如果聽得見 它一定實現
我唱得有些騰雞口疾疾、手指頭因爲緊張而卡下卡下、表情亦好生硬,望實個結也好少同江柏琪有眼神接觸。以上種種雖然同完美仲差一大截,但自問我已經盡咗力。。
唱畢,我望住江柏琪,佢一臉甜絲絲好冧既樣子,似乎無覺得我彈得唔好,反而好欣賞。我都總算放下心頭大石,任務完成啦!
「你幾時學識彈結他,仲彈得咁好嫁!」今日江柏琪做咗個問題少女,成晚一隻粗口字都無聽過,好Pure。
「好易咋嘛!學咗Basic野先!」我即刻示範我苦練已久既基本Chord。
「好難。」江柏琪試圖學我:「哇唔得,一按啲手指勁痛!」
我輕觸佢隻手指教佢彈結他。
江柏琪手腳好協調,學得好快,轉眼間已經學識我教佢既基本野!果然係A班既人,令我好有壓力!睇黎我要再勤力啲學結他先可以叻過佢!
「不如咁啦,你彈我唱。」江柏琪提議。
「好呀。」
![](https://lihkg.com/static/1708072317/media/youtube-play.png)
![](https://img.youtube.com/vi/IAbMhXqXLEA/0.jpg)
江柏琪唱歌把聲好甜美,比起我唱歌更好聽。
「江柏琪,你千祈唔好dub底頭呀。」
「咩呀?」
「個光環會趺落黎!」我發自真心咁讚佢。
「爛Gag。」
就夠鐘了,我望住手錶,倒數聖誕:「10、9、8、7、6、5、4、3、2、1、0。。12點啦,Merry Christmas!」
「揸住,一人一隻雞脾!準備!Cheers!」江柏琪好On9咁講,我地以KFC雞代酒,黎迎接呢個聖誕!
「等等!唔好食住!」我拎咗部即影即有出黎:「我覺得呢個Moment太搞笑,好值得紀念!」
你知啦,即影即有個光圈好窄,影唔到咁廣。我地要貼到好Close先影得齊兩個樣。
我聞到江柏琪頭髮淡淡既櫻花味道,我真係好想攬住佢。不過我知我同佢唔適合有太親密既接觸。我好驚因為咁而毀掉一切,佢會唔理我、甚至當左我係咸濕佬去避我。
呢個慾望只好放係心底。
四年啦,自從同林敏兒分手之後,我第一次對其他女仔有呢種心動既感覺,覺得非佢不可。
我想Give more than take、想付出多D對佢好、緊張佢既感受多過自己、想佢開心。
Player只限對無Feel既人,食過幾條女又點呀,對住真係有Feel鐘意果個女仔,都係好細膽唔敢亂來。
我好想時間永遠停留係依一刻。
帶著曖昧既心情同江柏琪一齊好幸福。
天氣好凍,但我既心因爲有江柏琪而變得好溫暖。