一個書生既Player故事: 一一四

「Vera話聽講江柏琪又西Zoe面，特登阻住Zoe開Locker。」
 
「Vera話江柏琪上堂成日姣佢鄰居，人地都唔理佢仲係咁撩人講野，仲挨身挨勢。」肥傑間中會「轉述」Vera從Zoe口中收到既風。
 
屌呢條死八婆，真係好撚憎你，你快撚啲同肥傑分手啦好嗎，係度搞屎棍亂咁發放謠言。
 
肥傑個腦一定係生係屎忽先會揀佢。
 
江柏琪點會做呢D野？傻的嗎。
 


上次中過伏深知Vera講既野完全唔可信，我係絕對唔會信佢講既野。
 
自從兇完Zoe，我無再聽到江柏琪搞啲咩大獲野。
 
江柏琪誠實同我承認Zoe初時都有單單打打，佢聽我講忍住咗無發老脾，而家都叫扮唔識，當對方透明，咁樣總算告一段落。
 
 
 
 
12月了，又就黎聖誕節。


 
斷估都無人會約江柏琪出去，咁佢果日應該都肯去見我掛？
 
為咗哄江柏琪開心，我決定去買把結他，係屋企對住Youtube自學星晴。
 
原來自學一首歌都唔易，由其是結他，唔可以好次彈琴咁齋記位置快速學一首歌。
 
首先你要學咗基本學理既概念，Scale、Chord、Tuner、手指既擺位乜乜乜，對住個Mon都有好多疑問係學唔掂。
 
所以係見完江柏琪、返屋企食完飯既夜晚，我都去咗羅嘉樂屋企，叫佢教我結他，一有空餘時間我就練星晴。


 
拍片、糾正、拍片、糾正。。
 
為咗個女仔一句就花咁多時間去學野真係好傻西瓜，不過諗起佢會好開心既樣，我覺得一切都值得。
 
我：【24號晚你得唔得閒？】
琪：【做咩呀？】
我：【我地一齊倒數聖誕節好無呀？】
琪：【咁浪漫既日子，我唔想同你過喎】
我：【你都無人約嫁啦】
琪：【你大把女仔陪你啦，唔洗一定要我陪你啦】
我：【定係你約咗其他人啦？】
琪：【咁又無】
我：【就咁話啦，24號晚我去你屋企樓下接你】
我：【其實你住邊姐？】


琪：【唔話你知，夜晚10點係廢校等】
我：【Ok一言為定】