一個書生既Player故事: 一一三
收到江柏琪被困殘廁既消息之後，我即刻打電話俾鬼王、阿風、小野佢地。。
睇下邊個可以得閒黎幫拖。。
個個都唔得閒。。唉識D人都幫唔到手。。慘。。
最後都係得傑同羅嘉樂十分鐘內即刻過左黎。。。
危急關頭你就知咩人係真心朋友啦。
等既期間我一直搵電話影低佢地既情境。
咁樣搞左成粒鐘，江柏琪都仲可以唔出黎。（諗起係M記廁所成粒鐘真係臭撚死
）「林書生，都話你有好事係唔會預我地。」羅嘉樂話。
「你對呢個女仔都幾好，新Target喎。」肥傑話：「一係搵Vera幫手啦。佢地好似都有私聊開，有D交情。」
「點撚算好！我真係唔識拆。」我話：「佢肯幫先得嫁。你問下佢啦。」
「Vera話Zoe佢地好惡，唔敢得罪佢地，實無運行，叫江柏琪醒目就快D同佢道歉喎。」
Vera都係垃撚圾，快D同肥傑分手啦。
我sms江柏琪，廢時打過去D人係門口聽到佢講電話。
我：【你咁落去都唔係辨法。你避到今日，都避唔聽日】
琪：【咁而家點算好呀T_T】
我：【你不如出去道歉啦】
琪：【唔要呀。明明係佢蝦我先咁報復】
我：【人地都無你做到咁過份】
我：【惡就唔夠佢地啦，我帶左兩個男仔Frd黎幫手。你出黎我地幫你口啦。】
琪：【你不如同老師報串啦，俾人記個缺點算啦。】
我：【你個底咁靚，唔啦。】
我：【乖啦，你出黎同佢地道歉，打和數。其他野等我幫你拆。】
琪：【。。。唔要呀】
我：【信我啦。唔會老點你。】
琪：【。。。】
琪：【T_T】
琪：【咁我準備出黎啦。。。】
「我講掂江柏琪叫出黎啦，我地去幫口。如果班陷家產打人就賴死係間M記唔走，最緊要拍片，唔好講粗口還手，有咩事都入晒佢地數呀！」我提議。呢個可能唔係最好既解決方法，都試下啦。
「咔唰。」
江柏琪打開門，用一副尷尬詐傻扮矇既表情望住Zoe佢地：「咦？乜咁岩呀？咁多人係度既？」
「無事我走先啦～個肚好痛。。」江柏琪講完就想走。
當然，佢格離隻男兵就攔住江柏琪。
「你差我筆數，點還？」Zoe掟咗佢個好噁心既薯蓉袋落江柏琪面前。
「我都唔知你講緊咩。」江柏琪話。
「唔好扮野！有人親眼睇住你拎走我個袋！」
「會唔會係你平時太撚八婆得罪人唔知先屈我咋？」
「收皮啦你！當我傻嫁？」Zoe舉起手，準備就摑落江柏琪度。
我林書生當然要英雄救美，大叫：「欵欵欵欵～～～咪住～～～」
「乜而家精英班啲人都咁惡既？」我話。
Zoe停下手上既動作，另轉面望我，我就行到佢面前捉住佢停留係半空既雙手。
「想打人呀？」我話。
「林書生，家陣係度做嫁倆？」Zoe話：「單野唔關你事，你唔好理咁多。」
「單野夠唔關你後面啲人事啦，咁佢地又係度？」我反駁。
「而家佢辣慶咗我，江柏琪呢舖奶硬野。」
「呢度公眾地方，你睇下幾多人望住你，你再郁手訓導應該會過黎小你地。」我繼續：「你岩岩講既野我地拍晒片嫁。你係要玩野，到時俾訓導睇再擺上Youtube，到時大家攬炒咋。」
「缺點我地都儲唔少啦，怕你有味咩？」佢後面D兵兵話。
「講笑咩你，精英班既人同我地講缺點多。再講你打人唔係記缺點咁簡單，隨時大過，儲夠俾人Quit校，你估學校咁緊張校譽仲會唔會保你？」
「到時得返啲二三流學校肯接收你，u都唔洗入。Yeah！」Zoe即刻Lag左機唔知應我咩好。
「不如咁啦，江柏琪係唔岩，但佢咁做都係你因為之前蝦佢姐。大家一人讓一步，互相Say個Sorry啦當和數。」
佢地當然唔出聲唔肯講對唔住啦。
「你搞佢，我都係叫D金毛仔黎接大家放學，如果你地敬酒唔飲飲罰酒，你鐘意慢慢咁玩我都無問題既。你地A班係得咁多人，唔會夠出面D人惡，唔會夠我玩。呢獲我撐硬江柏琪嫁啦，你咪洗旨意搞佢！」
我向江柏琪打眼色：「快D同人道歉啦。」
佢一臉不情願。我再推一推佢手臂：「你想快D搞掂就快D啦。」
「Sorry。」
「你呢Zoe？」
「Sor囉。」
「Promise大家今次Say完Sorry當和數，唔好再搞大家。我唔想每隔幾日又出現做和事佬。」
「你地仲有無野補充？無就散Band。」
我立刻拉江柏琪出去，肥傑同羅嘉樂都同我一齊走。
我地四個急步行到街尾一個公園，先至放下戒心，喪笑唔停。
「屌岩岩笑撚死我。」肥傑話。
「我一路講一路忍笑，差D笑左出聲霸氣盡失。」我話。
「我岩岩驚到腳都震埋。。。」江柏琪抖大氣冷靜：「好彩有你咋林書生，唔係我都唔知點算。應該俾人打到入廠。」
「第一次聽你讚我喎。」我話。
「A班D人得把口都唔識惡既，咁都俾你講得掂，邊敢打到你入廠。」肥傑話。
Band 1學校既好處就係個個都係識汪汪叫而唔敢咬人既狗仔？
其實係真，個個都會諗自己前途，無人會夠膽真係郁手。
「江柏琪你都係小心D好，佢地未必夠膽對你做D大獲野，小動作、閒言閒語實有嫁啦。」羅嘉樂好心提點江柏琪：「你再搞D大獲野，林書生保唔你咁多次嫁。你好自為知啦。」
「林書生人生最型既時刻。『呢獲我撐硬江柏琪嫁啦，你咪洗旨意搞佢！』」羅嘉樂不停Replay岩岩錄底我做和事佬既片段，笑死我地。
中學既青春好似係要有D八婆既存在先得既。