一個書生既Player故事: 五十一

「Good bye class.」

「Good bye Mrs. Lee.」

放學，羅嘉樂同陳詩詩實會等埋我一齊放學。

Fing唔Fing甩佢地好呢？我自己唔怕人地講既，去街又唔係D咩野大事，講俾佢地聽又有咩所謂，只係驚溫梓柔會覺得尷尬有壓力姐，我唔想見到王家欣事件又發生。

「你怕唔怕同學見到我地一齊走，會尷尬呀？」我細細聲問溫梓柔。「會既話我地可以分開走呀。」



有點緊張既溫梓柔鬆一口氣，趕忙點頭：「好呀。我地係商場地下間七仔度等？」

佢一支箭咁走咗出班房門口，留返我係房。

「林書生，一齊走？」一如所預料，羅嘉樂係會搵我放學。

而我都一句約咗人，頭也不會咁自己走咗。

頂，我地十足十一對偷情男女。



唔知點解約溫梓柔係一件咁輕易既事。

係，我承認對溫梓柔係有好感，性格上佢真係無得彈，外表雖然未係好出眾，都算順眼。但同約林敏兒果陣，早幾日開始期待、倒數既感覺真係無得比。連約人生日都係即慶咁約，就知我幾無所謂。完全無感覺，亦都唔會緊張。或者呢個就係約女朋友同埋朋友既分別。呢一刻，我又諗起林敏兒。

既然明知自己唔鐘意，點解仲要約溫梓柔呢？只係想有人可以填補林敏兒係我心目中既位置？想有一個對自己好，日日都聽我講無聊野既人？感覺我既行為正一步步引緊溫梓柔落搭，我係令緊佢鐘意我。我知道發生緊咩事嫁，我有信心，要唔要拍拖都係我一個人既選擇，而唔係佢。我一直係度玩弄緊一個鐘意自己既人既心意，咁樣好咩？明知仆街都要照做，或者林書生骨子裡就係一個賤人。


我係好快就係七仔meet up溫梓柔。毫無Planning既我地，無無聊聊係商場度行街，經過一間戲院就去咗睇戲，係濕鳩獨家試愛葉念琛愛情片。溫梓柔竟然會睇埋呢啲咁mk既戲，估佢唔到，成熟既人都會有顆少女心，但作為雄性動物既我覺得返去睇av仲好睇。

唐寧背住胡清藍係出面同人發展出軌，當諗住收山同胡清藍穩定發展，卻被分手，以為自己係情場玩家，原來一直被人呃既人係自己。



溫梓柔看得投入，傷心既氣場傳咗去旁邊既我度。

「林書生，係咪男人都會好似佢咁貪新忘舊？講大話唔眨眼？」溫梓柔輕聲問我。男人！？我仲覺得我係男仔咋喎。原來中一既我已經成為女同學眼中香港男人既代表啦，哈哈。（身型上我都開始似一個男人）

「我諗個男仔都係一時受唔住誘惑姐。。」我幫緊出軌既胡清藍講說話。或者，我係幫緊一去不返既林敏兒講說話。

我無刻意拉低坐座中間果舊野。膊頭沉住大半個位。溫梓柔不知不覺坐埋咗，掂住咗我。

「有無諗過唐寧知道咗會幾傷心。。」佢繼續。女人成日講呢D真係好撚煩。

我曲起隻手：「嗯，撓住。」我示意希望佢盡快收聲唔好阻住我睇戲。

「下？」



「見你咁傷心，借個人肉攬枕俾你啦。」

「。。唔要。」佢有點不知所措咁。

「真係唔要？」我收返埋隻手臂：「咁算囉。」

溫梓柔個樣有即刻失望左。。。

睇住佢D表情真係又好玩、又好笑。。。

「講笑咋。快D撓啦。」我故作陽光同搞笑再次邀請佢。

今次，佢終於都鼓起勇氣，輕輕咁撓住我。

達陣。真簡單～～



搞到我全程都唔敢點亂郁，驚整到佢唔舒服。

唔怪得之前睇戲硬係覺得差D野，原來就係差一個女伴。

我真係好Enjoy身體接觸既感覺，成個人有種安全感同生存緊既實在感。

成套戲我都唔記得佢Up乜，當時我淨係覺得七個男女主角N角關係好混亂，好假，邊有可能發生嫁，又呃人錢、又出軌、好姊妹同同一個人拍拖，方力申最後仲死撚埋wtf？！

係我眼中男女朋友專一係應該既事。係我唔好彩姐。

天曉得，幾年後既我竟然會咁同意呢套電影講既野，原來呢D情節係確確實實咁發生係我地身邊每一個身上。想當年話過葉念琛MK既我，錯了。原來你先係真正看透世事既大師。請容許我為你流下幾滴男兒淚。。。


睇完套戲，我順勢就拖住溫梓柔行，係普通拖而唔係十指緊扣果隻。



又達陣，原來真係真係好容易～

瞬間個人自信心上升到一個點。

Nothing is impossible!

媾女真係只要你夠厚面皮去試下就可以做到既事！

女人都係口裡說不既動物！問多幾次話唔要，咪又係要！

陣間話俾恨女恨到死既肥傑知佢一定葡萄死佢。

呵呵呵呵呵呵呵呵呵呵呵呵呵。。。



我無打算表白或者講D咩嫁，我地一路好似平時咁傾計，食飯。

我再拖住佢送到佢屋企樓下，今日既約會就咁完結左。

嗯，有溫梓柔都係一份幾特別既生日禮物。