一個書生既Player故事: 五十

多謝公益金搞便服日，令到我捐咗錢就可以著便服返學。

通告上仲有一欄寫住可以捐錢俾學校。「間學校咁系，唔想捐喎～」其實我地學校都不過不失，但一有位入，都會有人踩下自己間學校。

順帶一提，今日呢個便服日亦都係我同溫梓柔生日既大日子。

「生日快樂！」班主任時間果陣，我同溫梓柔講。

「你都係～生日快樂。」



「你今日放學有咩做呀？」

「。。無呀。。返屋企。。」

「放學一齊去睇戲好無？」我約佢：「我覺得兩個同一日生日既人一齊慶祝生日會好開心。」

「乜你。。都會無人約咩？」

「我班frd來來去去咪又係肥傑嘉樂佢地。今日都會一齊玩成日啦。」



「好呀。。咁放學一齊走。。」溫梓柔答應我。

「今日全日自由活動，四點係返班房集合解散。」班主任話。

「梓柔，一齊玩？」有個同樣靜到仆街既毒撚女同學黎搵溫梓柔一齊玩。

原來溫梓柔都有朋友嫁？我忍唔住露出一個驚訝既眼神 O口O。。

「我雖然毒，但都有朋友既。。你唔洗咁驚訝喎。」溫梓柔睇穿咗我寫係面上既表情。



物以類聚，係咩人就會識返啲咩性格既朋友。。但我同溫梓柔似乎係一動一靜，大欖都扯唔埋既性格。。可能咁樣叫互補？定只係我唔瞭解心入面藏住一個寧靜知性既自己呢？不過係又點，唔係又點？諗咁多無意義既野做咩。

今日全日都自由活動，玩下低能攤位，參觀下唔同課室既壁報設計，係課室捉下棋玩下board game，仲係tuck shop食咗個公仔面，hea下hea下咁樣過一日。。


便服日既意義重大，乃係全校同學爭妍鬥麗既日子，不過似乎係中一入面唔適用。。。

飽覽我地級，都唔係好多人有打扮。1A班更加係沙漠，唔係，係老人院。13度著晒綿納羽絨，女既短裙黑絲無都算，仲個個著住Oversize既T恤加毒毒牛仔褲。。

打扮既美麗度同成績係成反比，去到1E班反而多啲Mk打扮，會見到裙仔、黑絲咁樣，偶爾都有啲令人另眼相看既女仔出現。

昅地級既同學都晒氣。識玩一定係昅高年級既同學。

咁凍既天氣底下，依然見到有人著淺藍色半透冷衫加短褲，扮晒黑澀會啲囡囡咁，電咗個楊丞琳可愛教主曲髮加齊陰，加埋個濃密眼睫毛液妝，呢啲咪叫戰鬥格囉！



直望有個短髮女仔著住黑色Punk類Tee，粉紅色格仔厚外套，牛仔短裙，黑色漁網絲襪（瘦底走扎肉），加埋桂倫鎂既成熟Feel，佢就係我地既飯長阿婷。

不過，最令我難忘既並唔係佢既樣，而係係佢頸上露出黎果條黑色吊帶，我稱之為「淫賤肚兜」。好好地一件底衫，成件肚兜咁，仲有兩條黑色吊帶綁係條頸度，打個蝴蝶結，好引人注目。

已經無考慮過怕醜既問題，我視線張揚到令佢察覺到我既一個地步。

我真係。。～好～想～解～開～個～結～阿！

阿婷率先走過黎同我打招呼：「做咩係咁望住我？」

「無，你個look。。」

「正呢？」非常唔知醜呀你！

「你條吊帶想點？」我伸隻手指埋去佢條頸度，努力扮無野咁取笑佢。



「型囉！潮囉！」人與人之間既對話，有95%都係無意思既廢話。係咁嫁啦。

「好想蚊咗佢。」我講完就一野蚊咗佢條吊帶，個結頓時解開咗，個心結都解開埋，好爽阿，Freedom～

係我格離既嘉樂同陳詩詩都O咗。

「喂！乜你咁嫁！」阿婷無因為我冒犯既動作而發火，仲好開心咁係度笑。

然後佢做個好似扎邊咁既動作，綁返頸後個結。

佢個大方而陽光既笑容好吸引。彷彿好歡迎叫我繼續整佢咁。不得了，呢個姐姐阿。。

我都用我既笑容去回應佢。



「我返去先啦～再傾。」阿婷講完就返去搵佢啲frd傾計。

平日都唔覺佢咁正，今日一條吊帶就俾佢收復咗。所以話便服日一個好重要作用就係令平日被人定咗型既你，去改變形象既好機會！


搞笑既係，毒撚肥傑套Bape衫竟然得到唔少乖乖女既歡迎，走埋黎指住隻卡通候話好得意喎，呢層我覺得，各花入各眼，冤豬頭都有盟鼻菩薩囉真係。

電話震緊，SMS來了，原來係好耐無見既丁丁。。

丁丁：【生日快樂呀書生。陣間放學食唔食糖水？同你慶祝生日丫;D】
我：【唉心淡，又唔早D約我。我放學Full booking啦/_\】
丁丁：【Sor囉而家約返:( 咁等你得閒再約啦】
我：【咁又唔洗。不過要晏D，食埋晚飯先出啦。】
丁丁：【!!!約住你九點半啦】
我：【OK】