一個書生既Player故事: 四十

我：【今日一唔一齊食糖水？】
敏敏：【我後日又測啦。。唔食啦。。】
我：【吊頸都要抖下氣嫁，半個鐘姐，我D朋友都想認識下你。。我叫咗肥傑家欣一齊啦。。】
敏敏：【ER....】
我：【成個幾禮拜無見你啦。。我地搭車黎你果面食啦。】
敏敏：【咁好啦。。半個鐘後係我果面xx糖水度等。】


今次我帶隊去食糖水希望大家可以Relax下，順便可以介紹林敏兒俾我啲同學認識下。早到既我地坐緊係糖水舖入面等緊佢過黎。



「終於可以見到傳說中既林敏兒啦？好期待呀。」陳詩詩好興奮咁話。

「日日聽你講都未見過真身，無得驗貨。」羅嘉樂話。

「洗乜驗，我同肥傑都識林敏兒，佢好女仔黎嫁，又乖，又努力讀書。」

「靚唔靚先？」又一個俾位人串既傻系，佢叫陳詩詩。唔通我會話自己女朋友唔靚咩？

「靚過你囉。」我話。事實係兩個都唔同type，好難比較。



「好囉。」反白眼的傻系。


「Hello～好耐無見啦。」林敏兒出現了，佢連袋都無拎，正係帶左個銀包出黎，放左係枱度，同大家打招呼。

「傳說中既敏敏，你好呀，我係羅嘉樂呀。」羅嘉樂好Nice咁同林敏兒打招呼。

「喂，敏敏係你叫嫁咩！」我講笑咁話。唔知點解我覺得羅嘉樂對林敏兒好Nice，都唔會好似何諾軒咁呷醋，可能係因為佢實在狗公既關係。

「你好呀。」林敏兒向羅嘉樂報以微笑，轉頭同陳詩詩講：「你一定係陳詩詩啦。我有時都會聽書生提起你嫁。」



「下？真係嫁？佢講我D咩？」陳詩詩碌大佢對眼。

「佢話。。你個樣好得意同搞笑。。」林敏兒好識做咁幫我Translate左做一個好有禮貌既語言。不過，對住陳詩詩你唔需要咁有禮貌嫁。

「Um。。明明我係同佢講你生到一副On9相同講野低能。」我澄清。

「去死啦你！」陳詩詩話。


「敏敏，你個新銀包好靚呀。」王家欣指住林敏兒個粉紅色格仔Vivienne Westwood銀包話。我正話都有疑問，佢之前個銀包都唔係咁樣。

「你幾時買嫁？」我問林敏兒，到底佢係幾時買嫁呢？

「個零兩個禮拜前？同屋企人食飯果陣經過間舖，爸爸買俾我嫁。你覺得靚唔靚呀？」林敏兒天使微笑回答我。



咩喎，買左新銀包都唔同我講。。。

SMS度講下都好。。。心情好鬱悶。。。

「靚呀。你就好啦，太貴啦我唔捨得買。我仲用緊Crazy Room咋，嗚嗚。」王家欣表示羨慕。

「你幾時測完驗呀？我地好耐無一齊行街啦。」

「下個禮拜就完啦！約定你啦！」

「好，勾手指尾。」王家欣勾住林敏兒既手指尾，仲用手指公卒來卒去。

問都唔問下我就約人。我個心有D不爽。




埋單。

我拎住張單去俾錢：「我請啦。」

「多謝書生～～～」大家都好開心。

我知道佢地都鐘意林敏兒，覺得佢係一個好女仔。

合理既，樣唔差、性格好、鄰家女孩、努力、又單純到好似狗仔咁既女仔點會唔得人鐘意。

而我又發掘左林敏兒新既一面。

原來佢係好識大體，帶佢出去見人也是可以的，唔洗擔心佢會怕生保，知幾時應該講D咩，唔會失禮我。



外人睇上去，我地都算合襯，拍拖係意料中事。會拖住手，甜蜜咁笑，感情都唔錯。

但事實係咪好似表面咁呢？


林敏兒係一個謎一樣，好多變化既女仔。

有時我覺得自己好瞭解佢，但事實上我又瞭解佢幾多呢？

我地既關係有幾親密呢？

我唔知道佢買左一個新銀包呢件事係咪代表我地聯絡得唔夠緊密？

到底拍拖同忙碌既生活點樣先有最好既平衡呢？





在座各位開心既同時，似乎無人睇得出我既不悅，我既疑問。。。

就算聰明既林敏兒洞悉到我既諗法，大概佢都唔會黎問我瞭解我，因為實在太麻煩了，而佢無時間去關心我既心情。

呢一刻我腦入面諗起一個人。

我覺得佢會明白我，而且好有耐性，願意花時間聽我講好多無聊野。

我：【（輸入中…）丁丁。。】

。。。一轉念就諗，咁無聊既事都要叫春，你仲係咪男人黎。

【刪除草稿】

【是】

我攤睡係床上，帶著疑問進入夢鄉。。。