一個書生既Player故事: 三十九

肥傑：【放學去打籃球？】聽講做運動可以令人更有效控制性慾，我都好似需要運動下。
我：【OK. 叫埋羅嘉樂？】
肥傑：【Is can】

放學後，我地三條麻甩仔係籃球場度見面。

「屌你林書生，潛完水終於出現啦你！」肥傑一見到我就好親切咁屌柒我。

「林敏兒測驗，要摺埋溫書唔得閒理我，我放監啦哈哈。」



「睇下你個樣幾撚得戚。」羅嘉樂話。

「搞乜鬼，乜你都會打籃球嫁咩。」我問。

「Hey Scholar, I have a plan.」肥傑一路R住頭，一路成個On9仔咁講。

「What 7 ?」我問。

肥傑好有志氣聲大大咁講：「我要打籃球，入校隊，打學界！」然後正經咁講：「順便減肥。」



「好啊，減肥型D又健康D。」我話。成日見到D師兄係操場度打籃球，野野入波，真係好吸睛，所以走廊總係有班女仔企係度偷睇人打波。

「明明我份人咁好！朋友又多！D女仔個個都會同我講心事，但就唔會鐘意我。」佢望住塊鏡話：「我知，你地無講到出口嘛，就係因為我肥，我唔夠型，唔夠靚仔囉！」

張俊傑，好彩你都有D自知之明，咁早就發現到。其實你份人真係無得彈，係差在個外型。

「你見我咁MK咁顧形象就知咩料。」羅嘉樂一路搞佢Pet旺角陰一路講。

羅嘉樂係級上面都算係最型果幾個。本身樣唔差，一對天生笑眼，皮膚唔白，陽光型，中一已經有170算高；勁姿整，校服永遠都係白到好似反光咁，而且一定會用燙斗燙到直一直。聽講佢由小學到而家都已經被好多女仔暗戀，都唔出奇呀。佢屬於好鐘意對住D女仔懶Cute咁放電，即係會無啦啦望住個女仔甜笑、單眼Wink，極厚面皮完全唔識怕醜既口甜舌滑型。我都會搞笑串串貢，相比之下我算係有分寸好多。有時係佢格離都幾頂佢唔順！笑下佢都係開心既。



為左保持人氣，每分每秒都要表現出最好既狀態。呢個態度好值得我學習！

「如果你瘦返又執下，一定媾死女。」我出自真心咁講。

「如果我瘦返，我仲唔日日屌到你班女叫救命！」繼續吹啊，講就天下無敵，我肯定你條蛇quare怪，望住個女仔多幾秒都淆晒底。HEHE

「大佬傑，讓下我啦，你減左肥我點夠你黎呀。」最型既MK仔羅嘉樂都串埋佢一份。

我地三個都係籃球新手，成個傻仔咁咩都唔識。

就霸住個場，拿住幾個籃球係度射波。

自始，我地每日放Lunch或者放學都會落去打返陣波到天黑先肯走。

成身臭汗味就係我地麻甩兄弟友誼既證明。



有時會同其他同學一齊打波，打完一齊去附近士多食野吹下水，因此識左唔少新朋友，有D師兄仲會留D past paper練習俾我地。

籃球好似一種男仔之間獨特既語言。

考試前夕，係人人都開始溫書既時候，我地三個依然日日打籃球到天黑，好青春。

測驗考試係乜？食得嫁？

合格升到班咪得囉。

上左岸入左中學一於少理。

及時行樂係最重要嫁。