一個書生既Player故事: 六

第二日起身返學，當時既天文台好準嫁，話13度就真係13度。

自命身體強壯既我最憎就係著既頸巾同埋重dub dub既校褸嫁啦，不過為左應付呀媽我都係著晒返學校。

返到課室，見到林敏兒仲未返到。我就坐左係位度補眠。

突然間，我臉上一凍，好似俾冰掂到咁，唔通係林敏兒？

「請你食凍柑。」成個人即刻崩緊左。





我一轉頭，原來係王家欣。我忍唔住唉左一聲。

「洗唔洗咁既樣呀。。。凍柑唔好食咩。。。」王家欣見我悶悶不樂既樣問我。

「唔好食。我請你試下啦。」說罷就伸隻手去王家欣塊面度，剛巧林敏兒就返黎。





林敏兒，我真係無對你唔住去同其他女仔玩嫁。。。你要信我呀。。。

um。。。其實林敏兒見到係無任何反應嫁。。。

內心既劇場只得我一個人做主角。



「一D都唔凍既！仲好暖！」王家欣捉住我對手，「林書生隻手係暖蛋黎嫁。敏敏你快D過黎摸下。」



林敏兒聽到就好天真嬌咁走埋黎，「係咩？等朕Check下。」

「喂。。咪抽水喎你地。。」我係個好傳統既男仔，男女授受不親是常識吧。

「唔同你地玩。痴線嫁你地。」我即刻彈開幾尺遠。



「上堂啦。坐返埋位。」Miss Chan入黎。又開始左沉悶既一日。

上到第2堂英文堂既時候，一陣怪風突然吹入黎。好凍。

學校既課室依山而建，環抱大自然。除左成日有蜜蜂之外，仲不定時會有怪風。

我望一望身旁既林敏兒，佢雖然已經著住校褸，都仲係全身微震好凍咁既樣。





我伸手捉住佢隻左手探熱。果然，佢對手係凍到好似冰咁。

「你隻手好凍呀！琴日先提完人著多D衫，自己又著咁少。」我話。

「我諗住夠暖，點知咁凍。。」

我見到佢咁弱小既樣子又忍唔住要日行一善。我將條深灰色既幼冷頸巾除左，掟俾佢。

「同我戴左佢。條頸夠暖就全身暖。唔好同我凍親。」我有少少Man咁叫佢帶頸巾。話時話，出面真係幾凍。

「。。。」林敏兒有點唔好意思，慢慢咁將我條頸巾戴上「多謝」。



照顧佢令我感覺到自己男人既一面，心入面覺得好滿足。

「林書生，又撩人傾計啦！你同我出黎做呢條數。」係呢個寧靜無人舉手既時候，好煩既Miss Chan又搵藉口叫我出去做數。

「輕鬆啦Miss。」講計數，邊度會難倒我。

「我聽日還返條頸巾俾你啦。」林敏兒放學係電話度同我講。

諗起可以用林敏兒戴過既頸巾，就好期待，我好似又痴漢左。。