溝女的聖地──補習社: 84

我無理會Kitty講咩，因為我知，有啲再唔講，我會再無機會講。

我知有啲人會覺得，都過咗去啦，仲有咩好講？

寧願當成遺憾，都唔願意講清講楚。

「我只係想講，當日我無出現係機場，係因為我唔知點樣面對，更加唔想見到你唔開心，唔想自己唔開心。」

Kitty聽到後......久久無再講嘢。



好耐.......

耐到我望住個海，望住無嘢好望，然後諗好多嘢，好多以前嘅嘢。

仲開始覺得好凍添，冬天又要係海邊。

「你知唔知我鐘意你啲咩呀？」Kitty終於講嘢，將我嘅思緒帶返返嚟。

我覺得喱條問題伏伏地，點樣答都係死。



而且好似有啲唔好嘅預感。

「唔知呀......」

老實講，我自己都唔明自己有咩值得Kitty鐘意...

雖然俾佢鐘意係一件好幸福嘅事，但我唔想聽其中嘅理由。因為當中嘅理由未必係好，我只需要知道佢嘅心意就夠。

但喱個情況...無論你答，佢都係會講。