溝女的聖地──補習社: 82
我哋邊行邊傾咁行返去，我對於Kitty仲係咪......處，都仲存在疑惑。
以前我點會懷疑呀，不過依家真係好難講。
係男人嘅，唔多唔少都會介意，男人無咁大愛，你估個個都係耶蘇呀？
點解上帝會簡聖母瑪利亞生耶蘇出嚟呀？點解佢唔簡一隻俾人屌過百鳩幾次嘅雞？又或者係千人斬？
因為上帝都介意處女 !
要佢自己個仔都係處女生出嚟先好 ! 如果耶蘇老母係雞，我諗耶蘇應該無咁離地，會貼地返啲。
「你想去邊度呀？」
「一陣話你知 ! 俾啲時間你估下。」佢故作神祕。
可以去飲酒嘅嚟嚟去去都係嗰啲地方姐，酒吧又或者......老蘭。
我屋企無人，老豆老母都出咗去，依家大好機會可以食住Kitty上，但我今日無咁嘅心情。
男人就算幾咸濕，都會有唔想扑嘅時候，嗰啲時候通常都會扯唔起。
我依家就係咁。
我哋無逗留好耐，放低咗就即刻出嚟。
落到樓下，Kitty佢截咗部的士，無計啦，都要跟埋上去。
Kitty上咗車就同司機講。
「司機 ! 赤柱呀唔該。」
下？赤柱？我估唔到會係去喱種地方。
而且天色都漸暗，入去已經無咩嘢行啦喎。
儘管我心入面有一大埋問號，但我都暫時由佢，靜觀其變。
到落車嘅時候，我正準備要拎錢俾啦，Kitty搶先我一步，「唔該司機。」
「小妹妹真係有禮貌。」司機大哥拎轉頭收錢嘅時候順勢望下Kitty。
收完錢仲要眼甘甘望多幾眼添。頭先個司機已經成日係個倒後鏡係咁望住Kitty。
以為我唔知 ! 成個咸濕佬咁。
不過Kitty次次都可以搶贏我俾錢，我都覺得唔好意思，但佢完全唔放係心入面，咩事都無咁。
我哋落車之後，我就俾返錢Kitty。
然後就嚟到沙灘度。
陣陣強風吹埋嚟，我哋唔似電影咁，可以吹到好唯美，好靚。依家啲頭髮吹到連樣都睇唔到。
附近有間士多可以買酒。
海邊仲可以見到微微嘅陽光，個天都仲未黑得曬。
沙灘仲有些少人群，仲未走，但幾乎都無人落水，除咗幾位勇士，咁撚凍都仲可以落水，咩人嚟架？定係鬼？
我同Kitty行去買酒，「得啤酒咋？」
見到佢好驚奇個樣，我打從心底笑咗出嚟。
「你當喱度酒吧呀？哈哈！」
「吓！？我唔鐘意飲啤酒架。」
「咁你想唔想飲酒呀？」
「想呀。」佢個樣都話俾我知，佢想。
「咁你就忍下啦。」我諗住揀獅威，因為我覺得獅威好飲啲，好多啤酒都難飲到死。
Kitty扁起個嘴，一臉委屈嘅樣。
我好鐘意佢咁嘅樣，可愛到不得了！而且會令人心生憐憫。
我試下哄佢，「乖啦你，難飲我陪你一齊飲！」
佢成個細路女咁，而且點睇都唔似唔開心。
「咁好啦！飲就飲！」佢聽到之後振作起嚟，真係只有細路女先會咁做。
「今日就盡情飲！」
我開始有啲唔好嘅預兆.......
我見到佢咁，自自然然地擔心今晚啦......
我老豆老母會唔會咁啱唔係屋企呢？
屌你！陸秋水，你又諗乜鳩呀！？你又想好似上次聖誕節咁？
雖然上次聖誕節已經過咗好耐，記憶已經好模糊，但特別嘅回憶，都仲係會留係度。
例如仲記得去長洲起啲戇鳩名，但起咗咩名，好多都唔記得曬。
如今想起，都覺得嗰陣時嘅我哋，十分幼稚。
但越係幼稚，就覺得越係甜蜜，懷念以前戇戇鳩鳩嘅日子。
因為嗰段日子，好快樂，而又簡單。
我買完醉，Kitty仲繼續緊頭先個話題，「今晚不醉無歸！」
講得喱句嘅人，都係醉嘅，所以我不禁懷疑佢依家嘅精神狀態。
「你會陪我架呵？」佢仲用天真無邪嘅眼神望住我。
同佢一齊，真係幾開心幾好笑。
因為佢無時無刻都可以整個好傻嘅樣，但你又知，佢唔係傻，亦都蠢唔曬。
「會！實會架！」
我哋搵咗個地方坐，我哋好似穿越咗幾年嘅時光，回到當年聖誕節。
唔知點解我會有喱種交錯感，以為自己返到「以前」。
仍舊係我同Kitty，但心態上嘅改變，有時比起現實嘅改變，更加恐怖。
我哋坐低之後，相視而笑。難得地有默契地開啤酒，然後做咗個動作。
——乾杯。
我哋學電影嘅男女主角咁，「飲！」
原來我哋仲有天真嘅時候，有樣有學，自以為好似電影咁有型，甚至仲覺得有MV feel。
我妹下妹下咁飲一啖，屌！好撚苦！
「呀水，好哋好似大個咗咁。」
其實我哋只係買咗幾罐，因為我哋都驚飲唔曬，哈哈！
「係呀...我哋真係大個咗。」我啲毛都生咗好多出嚟。
「以前我屋企一定唔會俾我飲酒，話唔好！」
「我一直都覺得電視啲人飲酒好衰，飲完酒又打人又撞車，所以覺得啲酒好衰。」
戇鳩！<---我心入面第一個反應。
但細細個就係咁架啦，係咪？
「人大咗，好自然就會飲酒，我都唔知點解。」我老實說。
「我以前都唔會想飲酒，因為後果好嚴重。但後未發覺，原來唔識飲酒，後果更加嚴重。」
「當你需要飲，但你唔識飲，會好易醉！所以都係要識少少好。」
我講完，再飲一啖酒。
好苦！
但我唔開心嘅時候飲，會覺得自己將啲苦飲曬落肚，飲完就好似無咁苦咁。
「你真係成熟咗好多。」
聽到Kitty嘅讚美，話無唔開心就假嘅！邊個唔想聽美麗嘅嘢？即使句嘢係謊言，你都會想聽！
Kitty飲完酒後，臉上嘅皮膚呈紅色，只係兩頰呈紅色，其他都無變到。
有啲人飲完酒會成塊面都紅曬，甚至會紅到條頸度。
我覺得Kitty好靚，從以前到依家，都係咁靚。
雖然靚嘅風格有變，就好似以前嘅MK風變到依家都係韓風一樣。
每個風格都有佢獨特嘅味道。MK風味比較野性，會挑逗人嘅原始欲望，以火辣為主；韓國風味比較文藝，會挑起更內在嘅感覺，會想同佢有更多嘅內心交流。
如果俾我揀，我會想揀返以前嘅MK妹，真實，不造作。就算全香港都唔鐘意MK，都屌鳩MK仔MK妹，佢哋都仍然我行我素，捨我其誰嘅態度，多麼的高尚呀！
佢哋就係以前嘅李白，屈原。不受時代嘅青睞，但佢哋堅持自己嘅理念！有理想，不屈服。
就算死，我都要MK！