溝女的聖地──補習社: 75

「嘻嘻﹗」我輕輕賊笑一下。

「做咩笑成咁呀你？」Kitty已經察覺到異樣。

「無呀，無呀。」我努力咁忍住。

「拎嚟呀!!!俾我睇下呀!!!」佢扮曬嬲咁，但其實個樣好可愛。

卟卟......卟卟......卟...卟...卟卟.....卟



我個跳得好快。

好耐都無試過啦，原來我仲會為一個人心跳。

當然Kitty係睇唔出啦，喱啲嘢呃唔到自己嘅。

「唔俾!!!」我收埋佢係後面。

「超﹗唔俾就算，好巴閉咩？」Kitty擰轉頭。



佢清新爽朗嘅頭髮fing過嚟，淡淡嘅幽香撲鼻。雖然已經唔係之前陣味，但係都好好聞。

仔細一諗，原來眼前嘅Kitty已經改變咗好多。

我慢慢拎返部手機上嚟，好順手咁開埋佢，一張美人瞓教樣映入眼簾。

點知Kitty趁我唔覺意，一手將我部手機搶咗過去。
「喂﹗」我嘅反應只係講得到呢句。

「嗯？」佢一個眼神就KO咗我。



反正一陣你都會俾我KO架啦，我心裡暗暗自喜。

「你........!!!」

我最期待嘅畫面開始出現啦。

「你仲收埋呢啲相架？」佢皺曬眉頭，一幅唔相信嘅樣。

「係呀﹗喱啲係回憶嚟架﹗梗係要留住佢啦...」

「你......!!!」見到Kitty一臉不忿嘅樣，就暗爽啦。

點知原來女人係唔好惹嘅......



「你以為我無咩，哈哈？」

Kitty佢憤怒嘅表情轉化為邪邪嘅笑容，我就知道不妙了。

Kitty緩媛地拎出手機，雖然手機係換咗，但係手機殼仲用緊佢鐘意嘅啡色。

之前有問過佢點解會鐘意啡色，佢話佢細細個睇落去好舒服就鐘旎咗啦。

跟手就係佢部手機度，見到我英俊嘅臉龐，係度托住頭，瞓緊教嘅樣。

「喂喂喂，你幾時影架？」我心有不甘地問道。

「係補習社影。」Kitty好精靈咁講。

我屌﹗鬼唔知咩？



「我係問，係補習社咩時候影。」我再糾正返個問題。

「哼﹗你理得我。」Kitty神氣活現，「咁你又幾時影架？」

俾佢咁樣一反問，我先醒起，原來我都唔記得咗幾時影。

「我......唔記得...咗喎。」

「咁我都唔記得咗，哈哈。」Kitty對住我笑，戚一戚個膊頭，甚是輕挑。

依家嘅佢，無論衣著，性格定言語談吐，我都覺得Kitty變得鬼鬼地。

成個人俾我嘅感覺唔一樣。



以前嘅佢，我會覺得清純可愛，怕醜型。

依家反而覺得佢開朗咗，笑容多咗。

令我不禁聯想佢係外地嘅生活......會唔會？

屌你啦陸秋水﹗你咪自己嚇自己啦﹗

Kitty都唔係咁嘅女仔。

我哋邊行邊傾嘅時候，已經嚟到今晚食嘢嘅地方。

各位無估錯，係荼餐廳無錯。
 
但係唔係我哋之間第一次食嘅嗰間，都唔係我哋成日食開嗰間。


 
而係新嘅一間。
 
「喱間？」同我諗嘅，真係唔同。
 
「係呀！上次同我男朋友嚟食，真心覺得幾好食！」Kitty天真地笑，笑容上面畫出一個幸福嘅圖案。
 
我擠唔出半點笑容。
 
當我聽到「男朋友」喱三隻字嘅時候，我個心嗱住嗱住咁。
 
我無從比較，因為我早已忘記呢種感覺，我唔記得咗我對上一次嗱住嗱住係有幾強烈。
 
我同自己講過，唔想再經歷喱種痛苦。
 
但原來越是逃避，就越係逼返你去面對。
 
「哦…」我只能夠吐出喱一個字。
 
「你唔信呀？一陣試過你就知啦！」Kitty好興奮咁行咗入去。
 
得返我一個人傻更更咁企係度，我都唔好意思企係出面咁耐，廢事Kitty覺得唔妥啦。
 
其實我唔係在意間嘢好唔好食。
 
 
 
 
 
 
 
 
 
 
 
我 係 在 意 邊 個 同 你 嚟 食 。