溝女的聖地──補習社: 73

女仔？

「姐係TB？」

「嗯。」Vicky輕輕點頭，「佢男朋友一直係嗰邊照顧佢，你知架啦，讀女校嘅好易同TB一齊，我都見怪不怪，我都唔會用歧視嘅眼光去睇TB。」

我同佢坐係月台度等車。

「開頭佢仲未放得低你架，但慢慢佢男朋友陪係佢身邊，先至行得返出嚟。」



「唉！我都唔知Kitty鐘意你啲乜！肯為你做到咁。」Vicky一臉嫌棄嘅樣，然後繼續數落我。

之前啱啱補習都已經睇唔起我，難怪佢依家會咁樣嘅，唉怪就怪以前嘅自己太撚無用。

「我都唔知。」好老實講，我都唔明...

「不過愛情呢啲無計嘅，想當年我自己都盲咗咁瘋狂去愛一個人......但依家我攰啦。」

「咩事呀？」見佢楚楚可憐咁，忍唔住就關心佢。



不過佢當年咁嘅樣都有拖拍！？睇嚟肥閪都有肥閪嘅市場。

「算啦！唔好提！你已經好過條仆街好多架啦。」

「點解？」

「起碼你好人。」

又係呢句。



「咁佢哋依家點？」我見架車就嚟到啦，嗱嗱聲問重點。

「睇落都幾好呀，我同佢都好耐無見，我淨係知佢一開始去到嗰邊嘅生活，之後慢慢就唔知啦。」

得！我想問嘅大約已經清楚曬，之後都要靠自己。
 
我知道自己以前驚青，唔夠成熟，但今次我想自己把握機會。

我問自己，以前有無後悔，我無後悔過當初鐘意Kitty，無後悔當初同佢表明心跡，無後悔過當初放佢走。年輕嘅時候，咩都覺得自己做嘅事，係為佢好。

但其實完全無諗過佢感受，所以就會互相錯過。

自以為是，係年輕最大嘅通病。

我無去送機，其實我心入面都唔好受，我仲記得嗰日打機係咁諗起Kitty，成日都打輸，發曬脾氣咁鳩衝，為嘅就係發洩自己心入面嘅不快，就算俾隊友屌到飛起，都在所不辭。



我覺得唔見好過見，自己唔開心就夠，我唔想見到Kitty唔開心。將自己諗到好大偉大，連自己做錯緊都混然不覺。

到頭來傷盡Kitty嘅心。

我後悔當時傷害到Kitty。

有時發夢都夢到同Kitty嘅甜蜜事，然後忽然間痛醒，起身嘅時候，呼吸好慢，但心跳得好快。

今次我想再一次追求Kitty，我知道難度會高過以前，所以我都打定個底，預咗可能會失敗收場。

但我唔去做，我諗我會比以前更加後悔。

而且，呢幾年嚟我努力改變自己，為咗比以前更好，有能力去捉緊幸福。



幾千天近況幸福嗎

每日忙碌嗎

仍然是 那麼認真嗎

可有新戀人 成熟的戀人

成熟到沒再共你吵架

於是乎，我返去之後就打電話俾關晴。

「喂？你依家方唔方便呀？」

屌!!!我心你就咪聽我電話啦。



因為我聽到關晴急促嘅呼吸聲。

「呼......嗯......呀...水？」

「係呀。」我尷尬地道，唔知點算好。

「我......一陣....打俾你....呀....」

「呼......嗯。」

「你做緊乜呀？」其實呢啲位無咩都怕醜，大家都係成年人。

但聽住自己朋友咁樣叫法，心中不免覺得奇怪。



「無......我做緊運動呀。」佢扮到面不紅氣不喘咁。

「咩運動呀？」呢句說話我啱啱放係口邊，關晴已經搶先我講，「做緊sit up。」

「嘿嘿!!」我情不自禁咁笑咗出嚟，你估我會唔會信呀嗱？

「咁你一陣打返俾我啦。」然後我就收咗佢線。

其實呢個時候我需要佢哋嘅意見，我可以揾啲大學fd。但一直留係我身邊無走到嘅，就只有呀楊佢哋。

過多一陣之後，關晴打電話嚟，用平時嘅語氣問我，「咩事呀？」
 
我哋好有默契咁無提之前嘅事，「你知唔知Kitty返咗嚟？」
 
我直接問佢。
 
佢靜默咗一陣，先開口講，「你知道啦？」
 
「係呀……」我有啲嬲佢做咩唔同我講。
 
但諗深一層，其實佢唔同我講，係好嘅，講咗又點呀？
 
我個心充斥著無奈。
 
「我想追返Kitty。」我直接道出心聲。
 
關晴佢知道，我並唔係詢求一個意見，而係一個肯定同支持。
 
「咁你去啦，我會好似以前咁，幫你。」關晴輕快地說，何其豪邁。
 
「多謝！」我衷心咁講，有幾多朋友真係可以做到無條件咁支持你呀？我搵到，係我好好彩就真。
 
「咁多年，你都無放低過佢，我明白我阻止你，只會令你感到後悔。」
 
「哈哈，果然你最明白我。」
 
「呀楊呢？係咪你隔離？」
 
然後就換咗做呀楊把死人聲，粗聲粗氣咁，聽完都覺得燥。
 
「係男人就追返人啦！最後真係唔成功嘅，咪由佢囉！起碼你盡力過！」佢大大聲咁講。
 
「等陣啦屌你！講埋喱句俾返你。」好明顯呀楊唔係同我講。
 
「係男人嘅！拎得起就放得低！」