溝女的聖地──補習社: 60
「嚟咗好耐啦？」對住Kitty，總好似第一次見面咁，如此動人。
「點會嚟咗好耐呀？我先無咁好耐性。」Kitty笑道，然後走咗入學校。
有時我覺得Kitty除咗靚之外，更有幾分霸氣。有霸氣之餘，仲可以有幾分小鳥依人嘅感覺。
各種性格嘅轉換，有時都令我反應唔切，但同時又會俾佢吸引住。
我哋好似琴日咁，一上到我哋嗰種，好多對男性雙眼，不停係Kitty身上遊走。
佢哋望我嘅眼神，係又羨又恨。
羨慕我呢個毒撚可以帶條咁高質嘅女上嚟，恨就恨點解嗰個唔係我！
我明嘅，半件前嘅我，都經歷過呢種感覺。放心啦，我會祝福你哋，搵到個好女仔！加油呀！
但啲女仔就投以唔係咁友善嘅目光。
佢哋望得超明顯！
本來班仔係度打打鬧鬧，一見到Kitty，就停曬手，雙眼不停咁上下來回掃視。
一啲都唔誇張，男人就係咁嘅動物。
而且可以令到一個男人回頭望你，為你停曬手咁，可想而知Kitty靚嘅程度係去到邊。
一入到去班房，又係好似頭先嘅動作。
「欸！Kitty！」關晴係老遠見到Kitty就跑過嚟，完全不顧儀態。
算啦，佢今日真係玩到好癲，關晴見校服衫，解開咗上衫嘅兩個扭扣，露出一條深深嘅溝。
伴隨住佢跑過嚟嘅氣勢，雙峰上下搖晃，令人眼花繚亂，跟唔上佢嘅節奏。
「關晴！」又嚟呢種重逢嘅情節。
「你又會嚟嘅？」關晴好開心咁問。
「嚟探你呀嘛！」Kitty講道。
心諗，假到你呀，咁嘅說話都講得出？女人真係虛假嘅動物。
佢哋係度噓寒問暖嘅時候，呀楊神不知鬼不覺地出現係我隔離。
佢驚訝嘅表情令我覺得佢十分之滑稽，忍唔住笑咗出嚟。
「做咩呀你。」呀楊佢好奇怪咁望住我。
「佢......佢就...就係...你係補習社識嗰個...女仔？」佢講嘢將啲識拉長咗，講到勁奇怪。
「係呀。」唔知點解，我心裡面有點自豪。
「哇！」呀楊不停咁搖我雙肩，「點解！點解你咁好彩識到個咁正嘅女？」
呀楊佢有啲失控，佢成個人散發出好強烈嘅酸味。
「噓，細聲啲啦，你唔驚關晴聽到咩？」
我再望一望佢哋兩個，Kitty同關晴佢哋完全無打算理我哋。
「唔理佢哋啦！」呀楊嘅舉動令我感到開心，因為我都覺得自己好好彩，識到Kitty。
「又係你叫我去補習社嘅。」
「屌！」呀楊大聲咁屌咗出嚟，「早知就唔介紹你去啦！」
「有早知呀，呢個世界無乞衣啦！」好彩你有介紹我去，哈哈。
呀楊好唔忿氣，但又唔知嬲乜好，好鬼好笑，哈哈哈。
「我都有同你講過Kitty靚架。」
「但你無同我講會係咁靚架嘛！」呀楊再望多幾眼，「真係越望越正！」
然後呀楊拉咗我去班房角落，細細聲問我，「咁你真係同佢錫過？」
佢咁樣一問，我又回想起嗰日係我屋企，我錫Kitty嘅畫面。
「係呀...」諗返起真係回味無窮。
「屌！」呀楊又屌出嚟，繼而一聲嘆氣，「唉...曬咗呀......」
「曬咗乜呀！？」我扮惡咁瞪住呀楊。
我知呀楊都係講下笑，咁多年老友，點會唔知呀楊係咩人？
呢條友呀，把口係賤啲，但對感情卻係一條心。佢同關晴，先啱啱開始佢哋嘅愛情長跑。
「曬咗條女呀！咁都俾你錫到，你執到啦！」呀楊上嚟攬住我條頸，然後細細力打我。
忽然間，我覺得自己幸福，身邊有重要嘅人。
「講真呀，你要對Kitty好啲呀！」打鬧過後，呀楊認真咁講。
「我睇得出Kitty係個好女仔，出面啲女仔好少好似佢咁純。不過出到嚟社會，唔知會變成點呢？」
「將來嘅事，將來再算啦。」我哋嘅事，依家諗都無用，見步行步啦。
此刻嘅我，只想活在當下，好好享受同Kitty嘅日子。
我有啲後悔，點解係中學最後嘅生涯識到佢。如果我可以早啲識佢，可能我成個人生就會唔同。
或者我會好似呀方、呀圓咁，我會發奮讀書。但現實就係一個縱橫交錯嘅世界，好多嘢唔係你想點就點。
「好好珍惜呀…」呀楊拍拍我膊頭。
我明佢呢句嘅意思。除咗要好好珍惜Kitty之外，我眼前嘅呢位兄弟，都要好好珍惜。
我同呀楊都快畢業，將來會見面嘅時間，會伴隨著青春，變得越嚟越少
「放心啦，我會。」
呢個係我哋男人之間嘅承諾。
年輕嘅我哋，好輕易就會許下承諾，但原來要做到，係要付出120分嘅努力。
「乜佢哋咁耐架？我哋都傾完，佢哋仲未得？」呀楊所指嘅佢哋，係Kitty同關晴。
「乜你哋咁耐架？仲未傾完？」呀楊下一秒已經係班房度嗌出嚟。
「等緊你哋咋嘛！」關晴係度陪佢癲，一頭一尾咁叫喊。
我哋慢慢行過去佢哋度，呀楊亦不忘串鳩關晴，「你哋好咗再同我哋講咪得囉！我哋男人隨時都就得人嘅。」
呀楊態度十分之囂張，完全無將關晴呢個女朋友放在眼內。
「我哋呢啲叫體貼！哩啲呢，係你無嘅嘢！」關晴不甘視弱，串返轉頭。
呢一場攻防戰真係精神啦，輸嘅一方，注定之後俾人食住上，係咁撚。
果然，係呀楊輸咗。
輸到似隻狗咁。
做男人，真係慘。係比狗更慘。
「點會呢……我哋都好體貼架，體貼你哋未傾完呀嘛。」呀楊把死人聲當場軟咗落嚟，頭先嘅氣勢，男人嘅霸氣，全部蕩然無存。
我真係對呀楊好失望，我寧願佢頭先無霸氣過，咁樣都無咁柒！依家真係丟咗男人嘅架。
連我係男人都唔想企係佢嗰邊。不過我都係嗰啲諗就兇狠，講就碌撚嘅人，可能我仲縮過呀楊。
「快啦！我哋快啲簽名影相啦。」關晴催促道。
Kitty係隔離笑到停唔到口，「你哋真係好恩愛，哈哈。」
「鬼先同佢恩愛呀！」關晴把口一向都唔收，都唔知呀楊點頂得佢順。
「好啦，我哋快少少啦。」我終於忍唔住出聲。
我、呀楊、關晴一早已經簽好曬，依家淨係等Kitty幫我哋簽姐。
見住Kitty一個接一個咁簽好曬，呀楊一臉春風得意嘅樣，就好想打鳩佢。
因為Kitty幫呀楊簽嘅時候，掂到呀楊條腰，因為要借力。就係因為咁，都已經夠呀楊係度得意洋洋啦。
終於到我啦!!!
「呀水，我一陣先幫你簽啦。」Kitty甜甜一笑。
關晴聽到之後，佢都好識做。
「喂!!!」關晴拖起呀楊隻手，「我哋去搵其他人簽名啦，仲有啲人未簽呀。」
「但係......」未等呀楊say no，已經俾關晴拉走咗。
我向關晴投以一個感激嘅眼神。
我知佢幫我爭取一個獨處嘅時光，睇嚟佢無唔記得之前話幫我嘅承諾。
待佢哋走咗之後，剩底我同Kitty係度。
「琴日你話帶我去一個地方，今日換我同你去一個地方啦喎!!!」
「邊度咁神秘呀？」Kitty笑住咁問。
我無出聲，更加要懶係勁咁。
其實個地方無咩咁特別，只係校園一角罷了。
但呢個地方，係我想同自己心愛嘅女仔嚟嘅地方，已經恨咗好耐架啦......
今日終於可以實現。
我同Kitty坐係操場隔離嘅木凳上面。
木凳有兩層梯級，供學生坐係度睇比賽。
點解要揀喱度呢？因為好多小情侶，都會嚟呢度拍拖，拖手仔呀，Kiss都有。
我哋毒撚每次經過，都會帶墨鏡，如果唔係被閃嘅只有自己。
呢個地方，我都係可免則免，當然唔會想嚟，都無女，嚟喱度只會俾人恥笑。
但今時今日嘅我，已經唔同啦!!!
我終於可以吐氣楊眉，總算可以威返次。雖然已經係中學嘅尾聲，但總好過帶住遺憾離開校園呀。