溝女的聖地──補習社: 28

正當我係諗埋啲唔應該諗嘅嘢嘅時候，係SOGO門口都有好多係度等緊自己嘅另一半。
 
佢哋係度四處張望，又望下我，又望下其他人。
 
我哋就好似小學雞咁樣，等緊自己心愛嘅人接走佢哋。
 
我同佢哋比，的確係差得遠……個個著得有型有款， gel好曬男神頭，而我只不過係U記look。
 
好多男仔已經俾人接走咗，但同一時間，又會入嚟另一批，再俾人接走。
 


我一直企係度，見住啲人來來往往，卻唔見Kitty嘅身影。
 
我係度諗，係人山人海，穿梭不斷嘅人入面，要搵一個Kitty咁嘅人真係好難。
 
搵一個你鐘意嘅，佢又鐘意你嘅人，真係唔易。咁多人入面，你要遇上一個咁嘅人，仲要肯願意同你一齊，個機率真係好細好細…
 
如果我捉唔實Kitty個心，佢就會俾呢度嘅海浪沖走咗。
 
我係金百利嗰度，見到Kitty嘅身影。



Kitty一步一步慢慢向我行過嚟，面帶笑容。

佢今日嘅打扮唔暴露，但卻有說不出的性感……

佢著住一條黑色半截短裙，加條唔算好透嘅黑絲，經典Timberland。上半身著住件深綠色嘅有毛外套，裡面著咗件紅色冷衫同白色襯衫打底。

又直又長嘅烏黑秀髮放落嚟，更令人覺得清純而不可褻玩。

Kitty每行一步過嚟，我心跳就加速跳兩下。呢個畫面就好似拍緊電影咁，好唔真實……



企係我身邊嘅男仔，每個都對Kitty行注目禮，無一不對Kitty多望一眼。

對住Kitty，我心中嘅邪念真係一掃而空。

有啲女仔，你見到佢，你只會聯想到性，就好似啲企街咁，你只會想屌佢，但對佢無其他愛情成份；但有啲女仔，你見到佢嘅時候，你一諗起性，你就會覺得自己好仆街…儘管你同佢只有心靈嘅交流，但有說不出嘅滿足感。

勝過你同隻雞扑十幾次，到最後，包圍你嘅，可能只剩下無盡嘅空虛感。

「喂！做咩呆咗咁企係度？」Kitty係我面前揮揮手，我先識得反應。

「無呀，你…今日… 好靚。」我口疾疾。

「哈哈，對上一次你讚我靚，已經係我哋啱啱係補習社見嘅時候啦。」Kitty笑笑說。

係咩？原來已經半年架啦？時間真係過得快，原來我同Kitty相識，已經半年。



「今日你好唔同呀嘛… 」我誠實地道，我知女仔係鐘意人哋讚下佢。

「係咩？只不過你平時見慣我著校服姐。」Kitty用佢白雪嘅手去撓一撓頭髮。

惹嚟唔少男仔嘅側目，個個用「點解會係佢」、「哀怨」嘅眼神望住我，嗰一種酸味，真係好出面。

毒撚唔俾有女咩？我睥返佢哋。終於係班MK面前神氣返次，平時你哋溝曬啲女都未同你哋計！