溝女的聖地──補習社: 27

放咗學嘅時候，呀楊心情終於好返啲。
 
佢問我，「你想點俾驚喜佢呀？」
 
我諗咗陣，「諗唔到喎。」
 
「我屌你咩！諗咁耐都未諗到，食屎啦你！」呀楊恢復返之前嘅元氣。
 
「咁真係無頭緒呀嘛，第一次要同女仔過喎…」
 


「嗱，一係咁啦，我借我條橋俾你，反正我依家都無女，用唔著架啦，一場兄弟，就留俾你啦！」
 
哇，聽到呢句真係唔知應該感動，定鄧呀楊sad啦。
 
「咁好死？」我有點不可置信，因為對上一次佢醒嘢俾我，已經係吃飯嗰次，帶我進去補習社溝女呢條不歸路。
 
「講到明借呀嘛，你要還架！」呀楊真係好怕蝕底。
 
「知啦知啦，你快啲講啦！」
 


「嗱嗱，就咁咁咁……」呀楊係我耳邊細細聲咁講，方死人哋聽到佢啲屎橋咁。
 
「得唔得架？」我聽完之後都覺得好老土。
 
「放心啦！呢啲嘢女人一定冧！就算再老土再肉麻。」佢拍曬心口，保證一定掂。
 
「係咪架？」屌，我真係唔係幾信，尤其是Kitty，唔知點解會俾佢話老土…
 
「妖！唔得嘅話，我就幫你含撚！」



呀楊都講到咁囉，唔通真係有撚唔含咩，我就照足佢安排。
 
當日，我約咗Kitty係銅鑼灣SOGO等，方便易認。
 
我手上面拎住我份聖誕禮物──關晴幫我諗嘅冷帽。
 
我同佢諗嚟諗去都諗唔到Kitty缺咩，因為Kitty咩都有…最後發覺佢好似係無冷帽，於是就買咗佢啦。
 
而呀楊所謂嘅好橋，就係book間有情調嘅酒店，食佢嘅晚餐，再上埋酒店……失身！
 
平淡夜～失身夜～
 
臨近性誕，街邊總係奏起淫亂嘅聖詩。
 
呀楊仲好可恥咁話，『屌！你驚春咩？反正佢都俾你安排啦係咪？』


 
『你咪想點咪點囉！一句講曬，你係咪男人先？』呀楊好嚴厲咁問我。
 
『係呀…』我好肯定咁答。
 
『係咪得囉，你係男人，就想食咗架啦係咪？』佢雖然講得好低俗，但駁唔到。
 
『你係想食咗佢，嗰晚就係你嘅好機會！你錯過咗，就要等一年啦，你自己諗啦。』
 
『唔好話做兄弟嘅無幫你諗啦，到時候你一啖一啖咁食咗佢，食盡佢每一吋嘅肌膚，緊致嘅鮑魚，到你食完之後，坐係度攬住條女，諗返起兄弟我嘅呢番說話，你就會感激我架啦！』
 
呀楊呢一番為我「著想」嘅話，令我忐忑咗好耐，我怕Kitty會以為我係嗰種人，為咗食佢而搞咁多嘢，我怕會太快……
 
但呀楊亦有佢嘅道理。
 


我摸一摸外套入面嗰一包嘢──超薄裝，呀楊為我準備。
 
話係聖誕節喎，唔想我做爸爸，睇死我青頭仔幾秒就完事，叫我用多幾個…
 
到最後… 我係有照佢意思做，佢都講到要含撚仲樣囉，係咪先？
 
諗起今晚有機會唔做青頭仔，其實係幾興奮！！真係好high！
 
如果可以直接令Kitty成為我嘅人，咁咪仲好？