「奇幻，純愛」《我，總是會愛上妳》: 錯覺

應該係我錯覺啦…

最近覺得佢奇奇怪怪咁，D行為舉止都有少少反常，唔知仲以為佢有D咩病。

不過頭先見到佢咁同個MISS講野，我就知道九成係我既錯覺啦。

嗯，一定係咁。

果然lulu就係以前個個lulu，仲係個個傻下傻下，唔聲唔聲又會嚇你一驚既lulu。

我：「好喇，今次你地兩個成績都算好，作為獎勵，一陣就同你地去買玩具啦！而家就去左食飯先！」

Chase：「我想拎返上次…」

我：「得，不過你一陣要先同我解釋下頭先miss話你個D野先啵。」

Chase：「哎…咁麻煩架…」

Nicole：「抵你啦，之前都叫左你上堂唔好訓覺，你又話我煩，你睇下你而家俾媽咪鬧啦。」

Chase：「咁…唉算啦，諗起就煩，啊~好眼訓。」

哈哈，呢對仔女，見到就諗起以前啦。佢地真係好似以前既lulu同我。

尤其係Chase，成日將「好麻煩」掛係嘴邊，又有個對死魚眼，似足lulu。

唔知lulu佢見到對仔女咁又點諗呢？

一諗起lulu我就不自覺咁望左過去佢度，見到佢目光放左係對仔女度，仲係度笑。

正傻佬。

唔知點解突然間好想衝上去攬住佢，大大啖咁錫佢，可惜對仔女係度，如果我咁做肯定會比佢地笑。

啊，又諗起lulu佢頭先同個miss講野個樣啦，真係好型啊救命。

咦…？好似有D…算喇一定係我錯覺，一定係。

之後我地一家四口去左吉野家食野，原本打算搵間好食D既，不過見到Nicole佢嗌肚餓，咁岩附近就有間吉野家，所以最後就去左食吉野家啦。

可能因為咁岩撞正lunch time，吉野家有好多人，難得比我見到有張四人檯，我就一於少理坐低先，叫lulu佢地三個去睇下食乜先，

過左幾分鐘，Chase就同Nicole兩個一齊走左返黎。

我：「點呀諗好食乜嗱？」

Nicole：「我要煎雞飯~」

Chase：「我要野菜牛肉飯，加多個關東煮。」

我：「哇Chase你想食窮我呀，咁大食既哈哈，好啦乖乖地坐係度幫我睇住D袋啦。」

我之後就拎起銀包，行出去睇下有咩食，點知見到lulu仲企係餐牌前面。

我：「做乜啊你，仲未諗好？」

lulu：「嘛…好似好多選擇，我都唔知揀邊個好，不如你幫我揀啦。」

吓，食親吉野家你黎黎去去都係食個幾樣架啦，今日先黎話唔識揀？奇怪。

可能佢有心事，所以先揀唔到啦。

咁揀野食呢D小事就唔好要佢操心啦，等我代勞啦。

我：「好啦我幫你揀啦，你返去睇住對仔女啦。」

lulu：「咁..麻煩哂你啦。」

真係傻佬黎既，兩公婆洗乜講咩麻煩哂啫。

不過佢以前就係咁架啦。

你問我做乜唔問下lulu佢係咪有乜心事？唔洗啦，留返D私人空間比佢好D。

而且，佢唔同我講肯定係唔想我擔心，我咁樣走去問佢咪盞令佢更加唔開心。

唔~~我果然係個好女人好老婆。

之後我見野食得七七八八，我就決定好好咁問下Chase有關佢係學校既野。

呢個仔幾乎完全唔會同我講佢係學校既野，有咩我想知既都要靠Nicole同lulu先知。

不過今次睇黎連lulu佢都唔知道，所以我先決定要親自好好咁同Chase傾一下。

雖然我唔係咩怪獸家長，但我都係好緊張我呢對仔女架。

個miss其實都有少少講得岩，Chase唔可以再懶落去，唔係的話就會懶慣左個人。

到時候就真係同某個人似到十足十，失散左都一定可以搵返啦。

大懶人的話，係我屋企…唔係，係我既世界入面有一個就足夠啦。

我：「Chase，快d話俾我知，做乜野事功課會交唔齊，上堂又掛住訓教？你知道唔講真話有乜後果架啦。」

Chase：「功課咁麻煩…反正交少幾份又唔會少忽肉既，咪欠左佢…」

「至於上堂…D野自己睇返本書都已經識，D miss樣又唔係靚，講又講得悶，聽下聽下自己訓著左都唔知。」

唉呀救命呀點解個老豆讀書時d衰野會傳哂比個仔架。

我：「嗱，唔可以再係咁吖知唔知，以後我會叫家姐負責好好監視你上堂同做功課，如果家姐對你有投訴的話我就會減你零用呀。」

Chase：「哎…玩到蓋世太保咁麻煩…」

咦？佢知咩係蓋世太保咁叻仔？不過唔得，而家話緊佢唔可以讚佢。

我：「同埋啊，情況仲係無改善的話，我會考慮送你去補習班，等你做好功課先返屋企。」

Chase：「喂！有無搞錯呀，咁仲有人權既！況且我讀成點係我自己事，點解你地會管我喎！」

哇，無諗到佢聽到要去補習班會有咁大反應添，佢而家大聲到連隔離檯都望住我地。

佢咁唔鐘意去補習班咩？

我：「咁…」

lulu：「你唔好太放肆好喎。

」

咦？lulu？做乜野咁突然…

認真mode..？

大家講起認真mode第一時間都會諗起晨哥，但其實lulu都有類似既野，只係好少會「用到」。

同佢一齊咁耐，我都好似只係見過佢係認真mode不多於十次，不過佢每次係認真mode都會嚇人一驚。

最嚇到我既一次一定係佢無啦啦打左我阿哥一巴，當時真係嚇到我呆左，完全無諗過佢會咁做。

但係佢今次竟然會對Chase開認真mode?佢兩隻野平時好friend架。

Chase都好似無預計到會變成咁，呆左咁望住lulu。

算喇我都係唔好插手住，俾lulu建立下威嚴。

Lulu：「你唔覺得自己頭先好無禮貌架咩？佢係你媽咪黎架喎。」

Chase：「咩呀咁而家我有講錯咩，佢…」

Lulu：「唔好用「佢」，用「媽咪」或者「阿媽」。

」

哇…好型呀…

Chase：「喂你..」

Lulu：「你媽咪都係為你好先對你咁嚴厲，你要明白。」

「呃…