「奇幻，純愛」《我，總是會愛上妳》: 暫別

「好老婆Cherry」

我手指放係呢個聯絡人名上面好耐都唔敢㩒落去。

要點同佢講好呢…點先唔會令佢起疑呢…

唔可以令佢擔心呀…算啦再拖落去都係無用，打左過去先啦。

電話通左都唔夠3秒，Cherry就接左。





Cherry：「做乜事吖傻佬？」

我：「嘩你唔洗做野架？咁快聽電話既？」

Cherry：「咁係你打黎架嘛我梗係要即刻聽啦，搵我咩事呀？」

我：「eh…我諗我一星期左右唔會返屋企…要做野…」

屌做乜咁講呀我係咪傻撚左…講到咁心虛想人唔懷疑都難啦…





唉今次真係仆街了…

Cherry：「無問題啊，但我可唔可以搵家姐幫手接Nicole佢地放學？」

我：「呃…可以啊，不過…」

Cherry：「唔？係咪仲有咩事？」

我：「你…唔問下我因咩事？」





Cherry：「咩呀傻佬你頭先咪話左要做野囉，你唔記得自己講過d乜架？」

我：「唔係我記得..只不過…」

Cherry：「我唔係個鐘意問長問短既女人，我知你一定唔會對我唔住就得啦。」

「唔講啦，我要做野啦，下星期見啦我地。」

我：「嗯，遲d見啦咁。」

「我愛你。」

Cherry：「傻佬，我都愛你，Bye Bye。」

之後佢就收左線。





啊…唔知講咩好添。

個心…好䁔…

咁好既老婆，應該唔會再有第二個。

屌我有Cherry仲洗諗第二個？我痴左線呀？

晨哥：「同佢講左啦？」

我：「嗯，講左了。」

「晨哥。」





晨哥：「唔？咩事？」

我：「我一定要返去Cherry佢地身邊，一定要。」

晨哥：「無錯啦就係要有呢種諗法！只要你唔放棄希望，希望一定唔會放棄你！」

晨哥講完就一手拍落我背脊，痛撚到呢。

不過，痛得開心呢。

等我呀Cherry，我一定會返黎，好快就返黎你身邊。

呢一刻，所有野睇落都係向緊一個美好既方向前進。

之後呢一星期，我都係呢個研究所度住。





呢度咩都有，電視電腦呀連遊戲機都有，直頭好似自己屋企咁。

啊，唔係…我屋企無咁多呢d野玩。

佢地幾個每日都有黎探我，仲會帶我去睇下個進度，過左兩三日我已經見到另一個自己係個缸入面。

我：「哇真係一模一樣… 」

晨哥：「唔一樣又點叫複製人呀大哥。 」

我：「你岩你岩，係我on9。 」

痴線我真係on9，成日都比哂位人串自己。





我：「我想問下仲需要幾耐佢先…」

Ellie：「而家就只係差叫醒佢，不過記憶果方面…」

「我地無係記憶上傳方面既技術，所以呢個複製品唔會有你既記憶…」

我：「嗯我明白，咁就夠啦，我相信佢，因為佢有…」

「咳咳咳咳！！！」

又黎…

晨哥：「喂魯路修！有無事呀你！」

我：「無…」

個無字出口都未夠半秒，我就feel到有野係我個口度湧緊出黎。

我：「好彩唔係血啫…」

點解我會知道？因為我已經嘔左出黎。

嘔出黎既只係黃膽水。

我慢慢企返起身，順手抺下個嘴。

我：「唔好意思，整污糟…」

啊呢？點解個人暈暈地既…

「魯路修！！」

邊個叫我啊…太細聲喇我聽唔到啊…