[年齡無界限] 就係咁，我最近出席好多喪禮: １５９　有搵過我

同小段所講嘅一樣，我地而家可以問嘅人就只有兩個人，佢舅父同坐緊監嘅阿里，但而家可以即刻問到嘅人就只有小段舅父一個，因為離可以探監嘅日子就有一段時間。

所以我地又約左佢舅父出黎，估唔到咁快又要約佢出黎傾野。

又係同一個大排擋，又係同一個位。

「你地都幾多野搞出黎架ＷＯ。」銅ＳＩＲ一坐低就話。

我地兩個聽到銅ＳＩＲ咁講都只係苦笑左下，而銅ＳＩＲ就話：「成日同你一齊個女仔無黎嘅？」





比銅ＳＩＲ咁樣一問嘅小段，好尷尬咁話：「舅父，都唔關呢次事你就未提啦。」

見到小段咁樣，銅ＳＩＲ笑左幾聲後話：「好好好，唔提，咁你地今次又約我出黎做咩？」

「上次比左個煙盒你，咁你查唔查到Ｄ咩野？」小段問得好直接，而銅ＳＩＲ亦答得好直接：「我覺得你地唔知好過知。」

「點解？」我問。

「你地知道左之後，唔會對件事有幫助，而且會令到件事多添左麻煩。」銅ＳＩＲ話。





「麻煩？」我不解地問：「係因為我地知道左，果Ｄ人會找我地麻煩？」

銅ＳＩＲ聽到我咁一問後，點一點頭，然後用一個懷疑嘅目光望住我地問：「你地唔會將條片存左底掛？」

「我地……」「無，緊係無啦。」正當小段想答銅ＳＩＲ有嘅時候，我即刻先答左無，而小段望一望我後就話：「……無啊。」

銅ＳＩＲ仍然用一個懷疑嘅目光望住我地話：「真係無先好，不過就算有，可能你地都唔僧察覺到條片入面最重要果部份。」

「但係，舅父你真係唔可以話比我知搵煙盒果個人係邊個？」小段仍然唔放棄咁直接問，但係銅ＳＩＲ仍然無答佢。





「但係，銅ＳＩＲ你可唔可以話比我知，搵呢個煙盒嘅人，有無搵過你？」我問，而小段用一個好詫異嘅表情望住我，可能佢估唔到我會咁問銅ＳＩＲ。

而銅ＳＩＲ望住我好認真點一點頭：「有搵過我。」