[年齡無界限] 就係咁，我最近出席好多喪禮: １５８　一段路

送左珍妮返屋企後，我同小段兩個係街上面慢行，如果個畫面係兩個同齡嘅男人行緊你地可能會覺得好ＧＡＹ，但係而家係一個老人家同一個後生仔行緊路，個畫面係會和諧好多。

「……輝爺。」小段叫左我一聲，但係隔左一陣先再講落去：「你覺得珍妮佢有無事？」

我只係嘆一嘆氣話：「就算有事，我地都只可以陪住佢，要克服只可以靠佢自己。」

「咁又係。」小段話。

然後，我地又行左一段路。





「輝爺，天語佢走果陣時，有無講Ｄ咩？」小段問。

「佢講話唔想我地再被波及，唔想見到我地受傷害。」我答左佢後，佢就問我：「傷害？」

「天語無好詳細講會有咩傷害，只係講左一大堆關於真相嘅野我知。」我將天語同我講嘅野講左比小段聽。

而小段聽完後，嘆左一口氣：「其實點解呢兩個女仔要攬晒Ｄ野上身？」

我聽到小段呢句話後，只係一笑置之。





「仲有，佢講左一句話，佢話自己無咩朋友，得我地呢一班朋友。」我再補充多句說話比小段知道。

「佢講到咁，我地又點會比佢一個人攬晒上身ＷＯ。」小段話，而我點頭認同。

「但係如果我地想知道，可以用邊方面去知呢件事？」我問小段。

然後，我地又行左一段路，小段突然話：「我諗到有兩個人可以問一問。」

「邊兩個？」我問。





「一個就係我舅父，一個真係阿里。」小段話。