[年齡無界限] 就係咁，我最近出席好多喪禮: １５６　大宅門前

珍妮繼續企左係度，而我地兩個就係佢身後面。

「佢咁樣係度幾耐拿？」我問小段，而佢諗左諗就答我：「都有成半個鐘頭，佢又幾次試過行近個大匣，但係行左幾步後就折返原地。」

我同小段係正門再望一望個大宅……

「估唔到珍妮係有錢女……」我話。

「其實都未知係唔係真係佢阿爸阿媽所住嘅地方。」小段話。





「你緊係唔想啦，如果珍妮係大錢女，你追到佢嘅機會就降低晒。」我話。

「輝爺！你未咁大聲啦……珍妮係度啊，比佢聽到唔知點。」小段話。

不過我知道而家嘅珍妮根本無心情聽我同小段嘅對話，佢企定定咁望住眼前間大宅，我諗佢而家嘅心情真係好矛盾。

然而，如果有個人係你屋企門口企左好耐，你都會懷疑咁走出去睇睇條友搞咩，更何況呢Ｄ大宅，好快就有個著住西裝嘅人行左出黎，佢戴住個耳機，我諗佢係呢度嘅保安人員。

行到我地面前嘅呢位仁兄第一句就問：「你地企左係度咁耐做咩？」





珍妮無理佢，但係我同小段就好尷尬話：「……其實，我地黎搵人。」

「搵人？你地識住係度嘅人？」果位仁兄問，我都唔知點答佢好，因為我地又真係唔識佢地，但係如果佢地係珍妮嘅父母，咁其實珍妮一定識佢地。

我地答唔到佢問題，而佢就叫我地走，但就係呢個時候，一架房車駛過停左係大宅門前，而果位著西裝嘅仁兄見到架車，就急忙咁跑返去大宅，而跑嘅途中都不忘叫我地走。

「……咁點啊，輝爺？」小段問我。

「我鬼識答你咩。」我話。





我地兩個行左去珍妮身邊，然後我話：「如果妳今日真係未有心理準備，可以第日再黎。」

「係囉，到時我實陪妳答，輝爺都會。」呢個小段……係都要拉埋我落水……「係啊，我都會黎。」

珍妮點一點頭，臨走前又望再望身後嘅大宅，但一個突然，本來正要離開嘅珍妮，又跑左返去，但今次佢係喊住跑返去。

我貝小段見到就緊係追左上去啦，見到佢不停跑，直到大宅嘅門關上後，佢大喊咁企左係度。

「……發生咩事又跑返黎啊？」小段問。

而珍妮就哽咽住答：「……我……我見到……媽媽……係架車上面……」

久別重逢嘅心情，究竟係點呢？