[年齡無界限] 就係咁，我最近出席好多喪禮: １５１　快Ｄ話我知

我同小段聽到天語所講嘅說話後，望左落珍妮度，只見珍妮成個人呆晒，口震晒，塊面慢慢變紅，眼框慢慢竟滿淚水，然後佢就同天語講：「快Ｄ話我知……」

「妳答左我妳係未會放棄先？」

「快Ｄ話我知……」

「妳答左我先……」

「快Ｄ話我知！」「快Ｄ話我知！」「快Ｄ話我知！」無錯，重要嘅野要講三次，珍妮對呢件事睇得咁重要，何止講三次，佢仲不停捉住天語起勢咁搖，不停咁重複講呢句。





我同小段係旁邊望住呢個情況，就話。

「輝爺，我地係未要阻止珍妮咁做啊？」小段問我。

「你見珍妮而家咁，你覺得我地可以阻止到佢咩？」我答。

然後我地又望一望不停搖緊天語嘅珍妮，又望一望已經反晒白眼嘅天語。

「但再唔阻止，我怕天語頂唔順ＷＯ。」





「我都知，但你有無方法阻止佢？」

我同小段苦思左一陣後，都只有一個答案：「唯有用力拉開佢啦。」

大家唔好嬲，呢個方法雖然好撚老土，但係真係諗唔到有咩野方法。

「你地唔好阻住我啦！而家係我同天語嘅私人恩怨啊！」幾時演變到係妳同天語嘅私人恩怨……

拉開珍妮果個人係小段，而我就扶實就快比珍妮搖死嘅天語，見佢反晒白眼，差唔多嘔白泡咁，真係估唔到珍妮嘅威力會咁大。





「天語，妳快Ｄ講個地址比珍妮知啦，唔係佢會搖死妳架。」我話，而天語隻手震晒咁係個袋拎左張紙出黎，本來睇黎翜想拎比珍妮，但係佢最後都係無力，張媳仲跌左係地上面。

珍妮一見到張紙就即刻衝左去執，打開左睇左一下，然後，見到佢身微震，眼淚係咁滴落黎，口中不停話：「爸爸……媽媽……」

然後，佢衝左出小段屋企。

見到咁，我就緊係叫小段追出去，而我就留係到睇住天語。