[年齡無界限] 就係咁，我最近出席好多喪禮: １４６　全城搵煙

其實講到查案呢家野，真係唔好預我呢個老人家，不過……不過我點解又會跟埋黎呢？仲要陪你地一齊癲……

我唔知係小段出嘅主意，定係珍妮出嘅主意，點解我地要著住件乾濕褸係條街度行……

「我睇電影同電視劇Ｄ人查案都係咁架。」珍妮話，睇得出佢好期待呢一次查野。

珍妮妳話我知究竟妳係睇左邊套電影同電視劇，扭曲左妳嘅思想。

其實著住件乾濕褸都係其次，點解仲要戴住頂死人魚夫帽……





「但係我見Ｄ電影同電視劇查案嘅人係戴帽多ＷＯ。」小段話。

你地兩個都係中左電視劇毒嘅人，唔該可唔可以返返現實少少，仲有，我都睇好多電視劇同電影，但就係未見過你地兩個口中所講嘅衣著囉。

我地三個一齊行到片入面果間店度，見到有個戴住副眼鏡嘅人不停向人單眼。

「我有睇個星爺套電影啊，入面話如果有人不停同人單眼，買嘅野一定唔見得光架。」珍妮，妳係未有少少扭曲左意思呢？

「咁我地去問下佢。」小段話。





「點問啊？」我問佢地兩個。

然後，小段同珍妮不停同果個單眼佬不停單眼，而果個男人見到我地後，都單左下眼然後叫我地過去。

而家仲有Ｄ咁嘅野架咩……

「點啊老闆，想要Ｄ咩？」個男人問。

然後，小段就拎左個煙盒出黎問：「我想知你地呢度有無呢隻野買？」





個單眼佬見到個煙盒，對我地笑左一笑，呢一笑係一個心懷不軌嘅笑。

「老闆，識貨ＷＯ，不過呢種煙最近賣斷市，你要貨嘅話都要等幾日。」個男人話。

我地三個對望左一下後就問：「賣斷市？」

個男人笑一笑後話：「正確Ｄ黎講，應該唔夠膽賣，外面消息有個有錢佬要搵一條由呢部機拍嘅片，出左好多價同好多力都要搵返，到而家都未搵到，而且果個人都失左蹤。」

我地聽到後，露出左一個擔心嘅表情，唔知天語而家點呢？

「我呢幾日都遇到有好多人問呢個煙盒嘅事，睇黎呢一種煙盒搞到每城風雨。」個男人又話，但佢一定點都估唔到，係佢眼前呢一個煙盒，就係果個有錢佬想要果個。