[年齡無界限] 就係咁，我最近出席好多喪禮: １４５　我無老花

如果真係好似小段所講咁，咁呢一條片未係好重要嘅野去證明呢個有錢佬係背後做左Ｄ唔見得光嘅野！？

但係，係我小珍妮諗緊呢個問題嘅時候，我地兩個見到小段雙眼，散發出好大堆錢嘅符號……

無錯，佢又黎拿……

「如果係咁嘅話，我地未可以叫個有錢佬比好多錢我地買我地呢條片！我地到時候有左Ｄ錢就可以買好多野拿！車啦！樓啦！好多好多啊！！！」我可以證實而家呢一刻嘅小段已經進入左瘋狂狀態。

珍妮見到小段咁，一拳打左過去後話：「你清醒少少好唔好！」





果然只有珍妮可以克到小段。

「仲買咩野樓啊！而家香港Ｄ樓價咁貴！多多錢都買唔起啦！」無言……估唔到呢個係珍妮打小段嘅理由。

「喂，你地兩個冷靜Ｄ諗下先好唔好，個有錢佬可以清空晒佢果個所謂……咩野情報中心，咁其實佢遲早有方法搵到我地手中嘅煙盒。」我好冷靜咁話。

但係佢地兩個人，已經好似著左魔咁諗緊拎到Ｄ錢後可以做Ｄ咩……

點解而家Ｄ年青人會搞成咁……究就係我呢一代整到佢地咁？定係而家個社會整到佢地咁？我真係唔知道。





最段我講左成半個鐘頭野，佢地兩個先變返正常，講返煙盒嘅事。

「但係我地有呢個煙盒，都唔知天語去左邊架，條片又無拍低天語個樣。」珍妮話：「最緊要係天語放呢個煙盒果陣，同佢唔見左已經係兩個時空嘅事，更加扯唔上關係啦。」

珍妮講得好有道理，而小段好似聽到佢所講嘅野後，諗起一Ｄ野，佢去返條片嘅最開頭，「如果話見到天語嘅樣，我諗係呢一小段。」

我地睇開頭果段仔嘅片，見到係天語嘅大頭近鏡。

「點會有人用呢Ｄ野自拍架。」珍妮話：「仲要無ＤＥＬＥＴＥ左佢。」





小段聽到後都笑左笑話：「我都係咁諗，可能佢黎唔切ＤＥＬ左佢掛。」

而我聽左呢個近鏡後，發現左少少野，「去返前少少……係拿，呢度停。」頂！我頭先呢句咁撚似ＴＶＢ劇Ｄ對白嘅！

我好細心咁靠前個頭睇條片。

「輝爺，你老花啊？」珍妮問，但我呢個時候都費事理佢。

我手指一指條片嘅左上角，「你地睇下。」我叫佢地睇嘅係一塊鏡嘅反像，而果個反像係一個店嘅ＬＯＧＯ，「你地諗呢個偷拍鏡會唔會係呢間店買嘅呢？」