[年齡無界限] 就係咁，我最近出席好多喪禮: １４７　再搵銅ＳＩＲ

我同小段打左個眼色，叫佢收返埋個煙盒先，而珍妮係呢個時候就發揮佢嘅用處，「點解會咁多人問嘅？出左幾多錢啊？真係有好多人黎問啊？Ｄ人係邊類人多啊？咁你地會唔會再入貨啊？」

就係珍妮不停煩擾緊個單眼佬嘅時候，我就拉小段埋一邊話：「如果呢條友講嘅野係真嘅話，遲早都會有人搵到我地呢度。」

「咁未好囉，我可以開好高價賣比佢。」小段你發少一陣錢寒好唔好啊……

我打左小段一下，然後話：「你都傻嘅，果個人可以叫咁多人搵一個煙盒，你估佢會唔會咁聽話用錢買你果個啊，佢一定會搵人搶啦。」

小段聽完我咁講後就話：「咁你又有Ｄ道理ＷＯ，咁我地而家應該點做好。」





我諗左一諗後話：「不如去搵你舅父睇下有無咩野意見？」

「都好。」小段答，而我地就行返去珍妮果邊，已經見到個單眼佬比珍妮煩到投晒行咁，「小姐……不如妳放過我啦……比我走啦……」

老闆，聽聞呢度係你間店ＷＯ，珍妮又真係勁，可以煩到人地連自己間店都唔要。

我地拎住個煙盒，轉左去搵小段嘅舅父，又係約左係一個大排檔到。

唔知點解銅ＳＩＲ好鍾意約人去大排檔。





銅ＳＩＲ到左後，見到我地一身嘅裝束先係呆一呆，然後就問我地：「你地今日著成咁做咩？去拍戲啊？」

我聽到佢咁講都哭笑不得，唔知點答佢好。

「咩啊，查野唔係應該著成咁架咩？」小段同珍妮仲好理直氣壯咁同銅ＳＩＲ講。

銅ＳＩＲ聽到後不知笑左幾耐先可以講返野。

當我地講左比銅ＳＩＲ聽煙盒嘅事之後，銅ＳＩＲ第一時間係打左小段一下，「你個死仔，上次你話執到個煙盒比我，我返到去打開真係盒煙，打比你果陣你話你睇錯原來真係煙我都覺得你講緊大話架拿，只係唔踢穿你姐，但估唔到呢個煙盒竟然就係而家全城都搵緊果個。」





聽到銅ＳＩＲ嘅說話後我就問：「真係全城都搵緊？」

佢就答：「係啊，當然係暗地裡進行緊啦，但係我地仲未知道點解果個人咁著緊要搵到。」