[年齡無界限] 就係咁，我最近出席好多喪禮: １４４　影片

係醫院出黎後，小段一直都無咩點講野，直到銅ＳＩＲ話要返差館做埋Ｄ手尾走左後，佢先同我及珍妮講。

「你地黎我度，我有Ｄ野想比你地睇下。」小段好神秘咁，整到我同珍妮都緊張埋一份。

第一次去小段屋企，其實佢屋企無咩野特別，平常人嘅屋企一樣，一上到去佢就叫珍妮係廳到等，而佢就入左房拎左部電腦出黎。

「搞咩啊你？」珍妮問緊開緊電腦嘅小段。

「上次我同輝爺發現佢屋企附近有個煙盒，其實係天語放係果邊影住輝爺屋企嘅野，果陣我地發現在諗住交比我舅父，但係天語話唔好交比差人，叫我比返佢，輝爺你記唔記得？」小段問。





「記得。」我答。

開著左電腦，小段係電腦入面搵左個ＦＩＬＥ出黎，「係我拎返比你之前，我將煙盒拍左嘅片ＣＯＰＹ左一份係電腦入面。」

原來小段叫我地上黎就係睇呢條片，佢開左條片，然後快放到其中一段，「就係呢度，你地睇下。」

係片段入面，有個好幾個著住西裝嘅人係我屋企前面行行企企，睇片見到果一個時間應該係朝早，再睇一睇片嘅日期，應該係我去左送志威最後一程嘅時候。

然後，有位同我差唔多大年紀嘅人行左上黎，係我屋面前望左一望就走左。





「輝爺，你認唔認到個同你年紀差唔多嘅人係邊個？」小段問。

但我都未答佢，珍妮就答：「緊係知啦，呢個阿伯咁有錢，仲要係大型連鎖店嘅老闆，仲成日係報紙出現，仲有啊……」下省幾千紙，可想而知呢位老伯係幾咁大人物。

然而，小段就係珍妮講完野後講左一個假設性嘅問題：「輝爺，你估呢個人係未就係想搶你份報告果個人？」

記返小桃紅點解咁著緊小龍同我果份ＤＮＡ報告，就係因為小龍可能係某位有錢佬嘅仔。

咁小段所假設嘅問題就有可能成立。





「咁點解頭先銅ＳＩＲ係度你唔話佢知啊？」珍妮問。

而小段就扮晒偵探上身話：「你地頭先都聽到舅父話所有影片都比人拎走晒，可能，果班人想搵嘅影片就係呢一條，佢地以為天語有呢段片，先去到天語果度。」