[年齡無界限] 就係咁，我最近出席好多喪禮: １３７　有隻野

其實，我都唔知我頭先係未真係去左一場喪禮，一Ｄ傷心嘅感覺都無，我唔係鐵石心腸，只係我覺得一切都來得快，去得快。

快到，連感受都黎唔切。

銅ＳＩＲ帶走左阿里後，我地幾個除左珍妮都無聲出。

直到，「喂！你地理下我好ＷＯ！如果唔係我識你地！我以為同緊三個鬼講野啊！」因為我地唔理佢，佢發嬲添……

小段見到珍妮咁，就行到佢身邊同佢講左幾句後，珍妮就話：「真架……」佢突然好驚咁話：「咁你……咁你唔早Ｄ同我講……」





然後珍妮就靜晒，唔知小段同佢講左Ｄ咩呢？

走到人多嘅地方，我地建議去食野，無錯，又係茶餐廳，一坐低我地就叫野食，因為我地好肚餓。

叫完野食，第一個講野嘅人係細路祥，「估唔到阿里佢一直為醫佢阿媽賺錢，到頭黎都係無用……」

「你又唔好咁諗，佢阿媽份保險可以幫到佢家人嘅生活。」小段話。

「我明白，當我每次將票送比死左Ｄ客嘅家人果陣，見到佢地嘅表情，有喊有笑咁，果種心情一定好複雜，有Ｄ仲話無諗過個客原來暗地裡做呢Ｄ野。」細路祥講完後，小段就接住話：「好多人認為呢一份係一份補償，但其實係死者比家人嘅一份心意。」





係，無錯，係心意，就好似蔡老闆果陣做前供保險，都係為左比一份心意佢前妻。

而珍妮就好尊心咁食佢嘅野，粒聲都無，我見到佢就好奇怪咁問：「珍妮，平時妳一定係最多野講果個，點解靜晒。」

珍妮望一望小段，然後好細聲問：「果隻野仲有無跟住我啊？」佢問得好認真。

而我聽到珍妮呢個問題後，望一望忍緊笑嘅小段，然後佢就好細聲話我知：「頭先我嚇珍妮，話我地見到有隻野跟住佢身後面，所以我地唔敢出聲，話可能果隻野見佢不停講野先跟住佢，睇黎佢信晒。」

小段呢條友仔真係呢……但係見到珍妮呢個好驚嘅神情又真係幾好笑。





「細路祥，阿里仲有無其他親人？」我問。

「有啊，佢仲有個阿爺，同埋一個仲讀緊書嘅妹。」細路祥話。

「咁果筆錢就可以比佢地當生活費。」小段話。

「嗯。」而細路祥就點一點頭。

「……喂……隻野仲係唔係度啊？」珍妮好細聲咁問，我同小段都大笑左出黎，除左唔知情嘅細路祥。