[年齡無界限] 就係咁，我最近出席好多喪禮: １２０　語氣唔同晒嘅！？

「好肚餓啊……」我唔知我地困左係呢間房幾耐，只係知道應該有一段時間，困係呢間房入面果陣，珍妮同我講左好多野，我諗因為佢覺得悶所以先咁做。

而佢而家就係度呻肚餓，我見到佢咁就話：「可能佢地一陣會拎野食比我地。」

「佢地邊會咁好死，就算有，我都驚佢地落毒啦。」珍妮剛剛先講完呢句，阿里就開門入左黎，而且仲拎左兩個飯盒。

佢行到我地兩個面前，然後話：「我地求財唔求命嘅，唔會落毒，你地兩個放心食啦。」

放低左個飯盒係我地面前後，佢坐左係地下上面，望住我地兩個話：「做咩野唔食啊，頭先係出面聽到你地兩個話餓架。」





我同珍妮對望左一眼後，然後珍妮話：「你會咁好死？」

阿里嗤笑左一聲，「未睇到我咁ＰＫ，我地都係為左搵食先做呢Ｄ野。」然後佢再將兩個飯盒推近我地，「食啦，呢間燒味檔好正架，我成日食架。」

聽到佢咁講，我地到放下戒心拎係個飯盒食，係食緊野途中，可能同我傾計傾到悶，佢竟然聊阿里傾計，「我仲以為你地Ｄ差仔剩係食咖喱添，原來都會食其他野架。」

阿里聽到笑左一笑話：「小姐，我都係香港人，三粒星有居港權，土生土長架，唔好因為我膚色唔同就帶有色眼鏡望我地先得架。」

珍妮會意到自己比阿里串緊，就話：「唔知嘛，問下都唔得咩。」然後又問：「你就咁拎兩個飯盒比我地，唔驚比人鬧咩？」





「驚架，所以我襯佢地唔為意先拎野食比你地兩個，你地快Ｄ食啦。」阿里答。

而我就好奇點解當初阿里對我嘅態度，同佢而家對我地嘅態度係原全唔同，所以問佢：「點解你先前對我講野嘅語氣，同而家對我地咁唔同嘅？」

阿里就話：「有頭髮邊個想做癩痢……」「嘩！呢句你都識啊！」珍妮……妳可唔可以唔好次之都打斷入地講野呢？

阿里白左一下眼後都廢事理珍妮，然後佢繼續話：「比人監視住，唔惡Ｄ佢地就會話我唔合群。」

下！？唔合群？咩野意思？





比人監視住？又係咩野意思？

「你地呢Ｄ純種香港人，又點會知道我地呢Ｄ被岐視嘅南亞人嘅苦況，如果唔合群，我連我最後嘅容身之所都會無，而且……」阿里欲言又止，而珍妮就追問：「而且Ｄ咩？」

阿里嘆左一口氣，然後話：「而且我都已經行左呢一條路，就好難返到轉頭。」

「咩野路啊？」珍妮真係咩都想求過明白……

阿里聽到珍妮咁問，又係笑左笑後先答佢：「有Ｄ野，你地知道太多未必好。」

「你唔講我定點知好唔好ＷＯ。」珍妮話。

阿里聽到珍妮咁講後，諗左一諗話：「其實我細過果陣都好想好似其他小朋友讀書返學，第時出到社會可以做份正當嘅工作，但係，有時唔係我想做，呢個社會就會比我地做，就算呢個社會想幫我，但其實，總會有其他阻力擋住我想行嘅路。」

佢講得一面意重深長，睇黎，佢都係一個好有故仔嘅人。