[年齡無界限] 就係咁，我最近出席好多喪禮: １１７　尋根究底

「唔知佢地講緊Ｄ咩呢？」天語口中自己問緊自己，無發覺我地幾個嘅表情，到佢見到嘅時候，佢先問我地：「做咩你地咁嘅樣架？」

而珍妮好直接開口就講：「點解細路祥會係度架？」

天語聽到珍妮咁講後就問：「果個人你地識架？」

「佢……係我一個朋友嘅仔。」我答，然後天語就接住問：「佢係做咩架？」

「做保險嘅。」我話，然後百思不得其解咁望住細路祥話：「點解佢會係度架？」





天語突然間係佢嘅袋拎左Ｄ野出黎，「你地等等。」然後佢拎住舊野比左個侍應，再同個侍應講左幾句後，比左Ｄ錢個侍應後就返過黎。

佢一返到黎，我地就問佢：「妳做咩野啊？」

佢笑左笑話：「我去搞Ｄ聲黎聽下。」

「下！？」我地幾個都唔知佢講咩，然後佢又係佢個袋入面拎左部機出黎，搞左兩搞後就有Ｄ聲出黎，聽下聽下，原來係……

「係細路祥把聲啊！」珍妮好激動咁話，而坐佢對面嘅小段就話：「妳未咁大反應啦，一陣比人知道就死拿。」





然後佢就把目光放到更語身上，「妳頭先話要搞Ｄ聲返黎，就係佢地嘅對話？」

天語呢個時候露出左一個意重深長嘅笑容。

呢一刻，我只覺得眼前嘅天語布少少恐佈，唔知佢會唔會為左查野，放偷聽器係我屋企度。

而我地聽到南亞青年用細路祥嘅對話如下。

細路祥：你帶左黎？
南亞青年：係啊，咁重要嘅野我點會唔記得




細路祥：你拎比我睇下
南亞青年：點啊，份野無咩問題嘛
細路祥：問題就無
細路祥：但錢方面就……
南亞青年：錢方面點？
南亞青年：我都付出左咁多
南亞青年：唔係無我心目中個數掛
細路祥：你心目中個數係幾多？

南亞青年無講出口，只係用手比左個數字。

細路祥：呢個數我可以返去幫你跟跟
細路祥：應該唔大問題
南亞青年：咁就好





「佢地講緊錢銀野，唔通係關於要買輝爺份報告事？」珍妮問。

「可能係掛。」天語答，不過小段就話：「而家我地只係聽到呢Ｄ野，都唔證明佢地講嘅野關於份報告。」

小段所講又有佢地嘅道理。

「咁而家點啊？」珍妮問。

「繼續跟啦當然。」天語露出左一副尋根究底嘅眼神。