[年齡無界限] 就係咁，我最近出席好多喪禮: １１５　偷！？

聽到天語嘅說話後，我呆左呆後話：「但係個煙盒我已經比左小段交比佢舅父。」

「小段舅父？」天語問：「點解要比佢？」

「小段舅父係當差嘅，佢聽到我地話佢知後，佢就叫我地拎去比佢……」「咩話！？ＳＨＩＴ！」天語好大反應話：「快Ｄ打比小段叫佢唔去拎佢佢舅父！」

「點解？」我問。

「你唔好問咁多先啦！快Ｄ打比小段叫佢唔好拎先啦！」天語好慌張咁話。





見到佢咁，我就即刻打比小段叫佢唔好拎比佢舅父，好彩早左打比佢，因為小段同我講電話果陣已經差唔到去到差館。

「咩話！？拎返黎？點解啊？」小段係電話問。

「天語話唔好比住，話個煙盒佢係佢先前擺嘅。」我答佢，而小段果邊靜左一靜後話：「你比個電話天語。」

我比左個電話天語，見到天語一路聽，一路無奈咁點頭對答，唔知佢地講左Ｄ咩。

收左線後，天語好似成個放心晒坐返係度話：「小段頭先同我講，如果我幫你地一齊搵返份報告，佢就唔會將個煙盒拎返去。」





我聽到天語咁講後，就問：「咁妳頭先話住我隔離果個人有可能係收左個有錢人錢黎搶我份報告，我想知妳點解會知道係果個有錢人比錢？」

「就係前幾日，我返睇偷拍返黎嘅片，見到果位有錢人嘅助手黎過你隔離嘅單位，好似比左Ｄ錢個南亞人後就走左，第二日跟住你同小段時，就見到佢衝出黎搶你地果份報告，我做左幾年記者，知道呢個世界上係唔會有巧恰，好明顯你果份報告一定係個南亞青年搶左。」天語話。

「咁……咁姐係而家份報告已經係個有錢人手上？」我問，但天語搖一搖頭，「咁又未必，因為我其他同事都有跟緊個有錢人，佢地話個有錢人仲搵緊其他方法得到份佈告，可想而知，個南亞青年應該仲未比份報告佢。」

聽到天語咁講後，我放心左一下，「咁我地而家可以點做？」

天語諗左諗後話：「可能我地要諗下點樣偷返份報告。」