[年齡無界限] 就係咁，我最近出席好多喪禮: １１４　黑暗的真相

食完後，小段就諗住諗多左個煙盒去比佢舅父，而我就返自己屋企，一返到去，門口有個人等緊我，係天語。

「點解妳會有我嘅地址？」我問佢，而佢笑笑口同我講：「我做記者嘅，要查一樣野唔難。」

「咁妳黎搵我有咩野事？」我問，而佢又係笑笑口話：「入到去先講。」

入到去，坐低後天語望一望我所住嘅環境，「你一個人自己住？」佢呢個係一個明知故問嘅問題。

我到左杯水比佢後，就再問佢果個問題：「妳黎搵我做咩？」





天語笑左一個耐人尋味，然後，佢問左一個更加耐人尋味嘅說話：「個煙盒呢？」

「煙盒？」我問，當然我知道佢問緊咩，但故作唔知情。

而天語突然一臉認真咁問我：「今日你同小段一齊裝另一部機時，發現果個煙盒。」

嘅然佢都問得咁認真，我就更加認真咁問佢：「妳究竟觀察左我幾耐？」

天語深呼吸一口氣後話：「睇黎今日我唔全部野講晒出黎，你都好難比返部機比我。」佢伸起左隻手，然後舉起左四隻手指，「四個星期，我跟左你四個星期。」





我回想四個星期前，應該係出席完志威喪禮剛剛回港嘅時間。

「點解你要跟蹤我？」我問，雖然呢個問題已經係之前問過。

「其實跟蹤你，唔係因為我老總比我嘅任務咁簡單，而係果位有錢人都想知道你手中果一份報報嘅結果。」天語話。

「結果？佢想認返龍仔？」我突然一下子激動，但更語嘅搖頭卻令到我覺得詫意。

佢望住我話：「果位有錢人諗法相反，佢就係唔想認返龍仔，所以叫我幫查下份報告，睇下個結果係唔係真。」





「但如果係真嘅話，佢會點做？」我問。

「可能，佢會消滅證據掛。」天語一臉平淡咁話。

「消滅！？咁妳唔係要交差咩？」我又問。

「輝爺，你唔會知道做得我地呢行有好多潛規則，有時我地拎到料，第一時間唔係登出去，而下打比果個人，睇下佢肯唔肯同我地做交易。」天語講得好平淡，但佢呢一種平淡嘅說話講出呢句，我有少少心寒。

「所以你地其實只係一心想查份報告後，去勒索果個有錢人？」我問。

天語笑左幾聲，「唔好用Ｄ咁恐佈嘅字眼，呢Ｄ只係公平交易，一個肯買，一個肯賣，仲有Ｄ更黑間嘅野你唔知。」

我嘆一嘆氣，搖一搖頭，「我唔想知，我唔想知到咁多。」

「無錯，唔知咁多會比較好。」天語話，然後又問多次：「個煙盒係邊？」





「個煙盒對妳好重要？」我問佢。

「重要。」佢答我：「因為我睇過入面拍出黎嘅片，住係你旁邊嘅果個人，可能都有收過果位有錢人錢做野，我唔排除，果日搶黎份報告嘅人，同果個有錢人有關。」