[年齡無界限] 就係咁，我最近出席好多喪禮: １１１　一盒煙？

「係……好好好，我而家黎。」小段打電話比我，話佢舅父私底下幫我查份報告，而家有Ｄ線索叫我出去一齊聽，我聽到佢咁講緊係話好啦。

又係上次銅ＳＩＲ約左我去嘅大排檔，小段同銅ＳＩＲ一早就到左，「銅ＳＩＲ，今次有麻煩到你。」

「唔好咁講。」銅ＳＩＲ回應。

我坐低後，先問左佢一個問題：「都唔係架，要麻煩你私底下幫我查，一定要好好多謝你。」

銅ＳＩＲ聽到我咁講後，無奈地笑左笑，「我私底下查係迫不得意。」





我聽到後，不解地望一望佢，再望一望小段，而一早到左嘅佢好似知道小小內情，都係無奈咁笑左一笑，然後，銅ＳＩＲ就話：「尋日我收到上頭話唔可以查呢件事。」

「下！？點解？」我問，而銅ＳＩＲ就話：「我都唔知，但我覺得如果可以叫到警察都唔查呢件事，呢個人都好有實力，但佢愈唔比我查，我就愈想查個直相出黎。」

銅ＳＩＲ拎左張相出黎，我望一望張相，「呢班人係？」相入面係有幾個人圍埋一齊睇緊一Ｄ野咁。

「係閉路電視影到，經我睇左你所講嘅案發時間，地點，就有搶你野果個人嘅特徵，可能同你份報告有關。」銅ＳＩＲ講完後，我更用心咁望住相入面果幾個人。

張相入面有三個人，有兩個係面向鏡頭，一個就背住，但我望左面向鏡頭果兩個人好幾次，都係無印像見過，而半住鏡頭果個人，樣我就睇唔到，但係，我認得佢帶果頂ＣＡＰ帽。





「呢個人我好似見過，住係我隔離問。」我話。

銅ＳＩＲ同小段聽到我講後，就再望一望相入面背住鏡頭嘅人。

「舅父，你點諗啊？」小段問。

而銅ＳＩＲ佢沉默左一陣後話：「我一陣比一部針孔機你地兩個，小段陪輝爺返去，搵個地方ＳＥＴ好，當然唔好比人知道你地ＳＥＴ機啦，ＳＥＴ好左之後再話我知。」然後銅ＳＩＲ比左個煙盒我。

「銅ＳＩＲ，我唔食煙架。」我話。





「拎住啦，針孔機黎架。」銅ＳＩＲ話：「而家警察唔查，所有野都要小心Ｄ，知唔知啊。」

銅ＳＩＲ呢一個提醒，另我覺得點解無啦啦會有Ｄ咁嘅事發生係我身上，我本身只係一個良好市民，無犯事，仲已經過頭近，點解仲要我發生Ｄ咁嘅事。