[年齡無界限] 就係咁，我最近出席好多喪禮: １１０　與南亞青年對峙

聽到佢呢句果一刻，我呆左一秒，然後衝左上前拉住正要關門嘅佢，「你點解要搶我份報告？比返我！」

個南亞青年甩開左我捉住佢隻手，佢無嬲，反而好好笑容咁望住我話：「我係叫你估下，我無話係我搶。」

「一定係你！如果唔係你唔會咁講！」我而家簡直係失晒控咁認為眼前呢一位南亞青年一定係搶我份報告嘅人。

而佢仲係一副漫不經心嘅樣對住我微笑咁話：「你覺得係我，未報警囉，係ＷＯ，你唔係有個警察朋友架咩，點解唔叫佢黎捉我啊。」然後佢好嬲咁捉住我衫領話：「上次無啦啦比佢打左一身，仲拎返Ｄ錢，我都未同你計啊。」

比佢咁樣一講，本身衝動緊嘅我有小小擔怯，「……咩……同我計？」





佢放返捉住我衫領嘅手，然後話：「總之今次一次過同你計清楚佢。」講到呢度，同先我見過嘅南亞婦人走左出黎，同個青年講左幾句野後就走返入房。

然後青年就同我講：「唔好再黎煩我咩野報告，就算有我都唔會咁蠢白白比返你。」

佢講完呢句後，我明白所以問佢：「咁你開個條件？」

但佢聽完呢句後笑左笑回應我：「諗諗先話你知。」然後佢施施然咁關門。

我諗呢個南亞青年開出嘅條件，一係錢，一係就想打我一身，唔會有其他野。





返到自己間屋到，無奈咁訓落張床……

點解我要發生Ｄ咁嘅事，定係因為上天要罰我唔早Ｄ面對事實？