[年齡無界限] 就係咁，我最近出席好多喪禮: ９１　背後嘅目光

「點啊輝爺，好耐都無見你黎ＷＯ，以為你發生左咩野事添。」一個坐係我前面，同我捉緊棋嘅阿伯話。

「呢排身邊多野發生姐，不過而家無咩事ＬＵ……將軍！抽你隻車！」我凌厲嘅手法，一個沉底炮打到佢無聲出。

事隔都好幾個星期，ＤＮＡ報告仍然好安穩咁係個鐵罐度，珍妮同小段無幫我拆黎睇，珍妮亦都不停咁出席好多喪禮，不停搵唔同方法搵佢親生父母，而小段就一樣不停咁搵生意。

三個人嘅生活好似如常，但係……唔知點解呢一排總係覺得有人係我背後望住我咁……

「仲咩四圍望啊？」陪我捉緊棋個阿伯話。





回圍望，係我呢排常做嘅事，「無野……」我都唔知係未我多疑，定係……

出席左三個喪禮，話看化世事無常，其實到我呢一個年紀，好多人都已經看化，但係當真係面對嘅時候，心入面都會有一種感覺。

感覺，其實自己都果頭近，唔知下一個會唔會係自己。

有呢一種諗法後，就會諗埋到時會點搞呢？會有咩野朋友會黎呢？邊個幫我擔幡買水呢？之後就會笑自己，諗咁多做咩，呢Ｄ野其他人做左，到時自己都唔會知架啦。

「反將啊！」諗野諗得太入神，一唔留神比條友反將到無棋添，「輝爺今日失準ＷＯ。」個阿伯笑得好開心咁收緊Ｄ棋。





「讓你咋我。」我呢Ｄ就叫做跌落地都要楋翻揸沙。

「係啊輝爺，最近聽其他老友講，話呢度多左好多打劫搶野，目標係Ｄ老人家，所以你出出入入都要小心啊。」個阿伯話，然後收起副棋企起身，「前日阿梁仔先比人劫完，跌親而家係醫院度。」

「係！？唔怪得無見佢兩三日啦。」我答。

「所以你都唔係留咁夜拿，早Ｄ返屋企食飯睇電視好過。」佢講完呢句後就慢慢行開左。

唔通我排嘅多疑係無錯嘅？可能有人係背地裡，已經打我嘅主意！？