[年齡無界限] 就係咁，我最近出席好多喪禮: ８８　我的秘密

珍妮放得手中嘅食物，疑惑咁問小段：「咁其實都唔係好關你前女友事姐。」

小段聽到珍妮咁講，露出一個難言之忍嘅表情，我察覺到後，踢一踢珍妮，點知珍妮就然望住我話：「你仲咩野踢我啊，我都係講事實姐。」

「點解關我前度事，係因為我屋企人接左我前女朋友嘅喪禮，係佢嘅喪禮上面，我好想為佢做返Ｄ野，但係我一Ｄ都幫唔到手，我只可以坐係一邊，用金銀衣紙折完寶……」小段講都呢度，我好隨意咁接左一句，「折元寶果一刻，會將你對往生嘅人嘅思念都傳入個元寶到，咁往生左嘅人用果陣，都會知道你地嘅心意。」呢一句，係小段係福伯嘅喪禮上，同我講過嘅其中一句說話。

小段聽到後，點一點頭，「我果陣做到嘅野，就只可以咁多，但果一刻我明白，其實殯儀呢一行，衰Ｄ講句Ｄ人會話係賺死人錢，但係我地所有人都懷住一個幫人嘅心去做，只係想每個人一生最後嘅一場儀式做得好好睇睇，好來好去。」

「其實無論做Ｄ咩野，都應該係咁諗架啦，唔係咩？」珍妮又一矢中的咁話。





「……咁……又係嘅。」我同小段回應。

而小段就繼續，「我就係果一場喪禮遇到我而家個師父，然後就好似我頭先所講嘅一樣，開始我踏入殯儀呢一行。」

「呼嚕……」呢一下其怪嘅聲音發出，我同小段望住飲緊野嘅珍妮，而佢回意到我地望住佢後，就話：「我杯野飲晒ＬＵ。」

我同小段無奈咁點一點頭，本來應該感觸嘅氣氛，都被佢咁樣一吸破壞晒，但珍妮好似唔知道佢破壞左氣氛，而且就話：「你果個講完拿？如果講完嘅話，到輝爺你講拿。」

突然矛頭指住左我，我都唔知比Ｄ咩反應好，吱唔左一下後就話：「你地想知Ｄ咩？」





小段剛剛先講完佢嘅事，仲未由佢自己嘅感觸抽身出黎，所以佢都諗唔到要問我咩，反而最難應付嘅係珍妮，「頭先未話想知你同你個衰仔Ｄ野嘛，講Ｄ黎聽啦。」

「妳未咁八啦。」小段幫口話，因為佢睇得出其實我唔多想講。

「你唔好理，八係女人嘅天性。」珍妮一副期待嘅樣望住我，我只好嘆一嘆氣，然後話：「呢個仔，係我同一個女人假結婚後生出黎。」

「假結婚！？」珍妮同小段話，而珍妮再後補多句，「咩真係有呢Ｄ野架？我以為係傳說黎架。」

有時真係唔知珍妮講嘅野係真心定玩野。





「其實問題係出自我身上，生左個仔又唔好好教，最後整到佢又唔識照顧自己，剩係識不停問我拎錢，我都有後悔過點解當時無好好教呢個仔，但後悔嘅時候就已經遲晒，而且……」我停一停，腦海中閃過鐵罐入面果一份ＤＮＡ報告。

「而且Ｄ咩野啊？」小段同珍妮齊聲問。

而我，深呼吸左一啖後話：「我都唔知呢個仔係唔係我親生。」

係鐵罐入面，果係用公民袋入住嘅ＤＮＡ報告已經放左好耐，但係，我到而家都無勇氣拆開佢睇。